گۋمانيتارلىق كومەك تاسىمالدايتىن دروندار امەريكادان قازاقستانعا جەتكىزىلدى
استانا. قازاقپارات - IT قاۋىمداستىق شەتتە قالماي، سۋ تاسقىنىنان زارداپ شەككەن ايماقتارعا كومەك قولىن سوزدى. بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءمالىم ەتتى. ⠀
«جاعداي انىقتالعاننان كەيىن ءبىز كومەك كورسەتۋگە سەبەپ بولاتىن بارلىق مۇمكىندىكتەردى قاراستىردىق. ناتيجەسىندە ARC Drones درون قۇرىلعاسىنىڭ 3 داناسىن امەريكادان قازاقستانعا جەتكىزۋ تۋرالى شەشىم قابىلدادىق. ARC Drones وكىلدەرى قازىر اتىراۋ قالاسىندا جانە ت ج م قىزمەتكەرلەرىمەن بىرلەسىپ ەڭ شالعاي جانە جەتكىزۋ قيىندىق تۋعىزاتىن جەرلەرگە ازىق-تۇلىك، ءدارى-دارمەك پەن باسقا دا ومىرلىك ماڭىزدى ماتەريالدىق قۇرالداردى شۇعىل تاسىمالداۋ جۇمىستارىنا كىرىسۋگە دايىن»، - دەپ جازدى باعدات باتىربەك ۇلى.
ءمينيستردىڭ ايتۋىنشا، ARC Drones - قازاقستاندىق الىبەك ەرساي مەن اسەل تۇرسىن نەگىزىن قالاعان امەريكاندىق ستارتاپ. بۇل دروندار سالماعى 10 ك م راديۋستا 30-40 ك گ- عا دەيىن جانە كۇنىنە 100 گە دەيىن رەيس ورىنداي الادى. ⠀
«وسى درونداردى قولدانىپ، ءبىز قۇتقارۋشىلار مەن ەرىكتىلەردىڭ قاۋىپسىز قىزمەتىن كۇشەيتەمىز. سونىمەن قاتار، درونداردى سۋ سىنامالارىن جيناۋعا دا قولدانۋعا بولادى. درونداردى شۇعىل پايدالانۋ جاقىن ارادا قاجەت بولمايدى جانە ەلىمىزدەگى سۋ تاسقىنى جاعدايى قالىپقا كەلەدى دەپ ۇمىتتەنەمىن»، - دەدى مينيستر.
