مامىردىڭ سوڭعى كۇندەرى جاڭبىرلى بولادى، ۇسىك جۇرەدى

استانا. KAZINFORM - قازگيدرومەت سينوپتيكتەرى 28-30-مامىر ارالىعىنا ارنالعان ءۇش كۇندىك اۋا رايى بولجامىن جاريالادى.

كەزەكتى سيكلون جانە سوعان بايلانىستى اتموسفەرالىق فرونتتار قازاقستاننىڭ بارلىق اۋماعىندا اۋا رايىن قالىپتاستىرادى.

ول وزىمەن بىرگە جاڭبىر اكەلەدى.

28-مامىردا ەلىمىزدىڭ سولتۇستىگى مەن شىعىسىندا قاتتى جاڭبىر جاۋادى، تۇنگى ۋاقىتتا ونىڭ سوڭى دىمقىل قارعا اينالۋى مۇمكىن.

تەمپەراتۋرا ايتارلىقتاي جوعارىلامايدى.

28-مامىردا باتىستا، سولتۇستىكتە جانە ورتالىقتا، 29-30-مامىردا شىعىستا تۇنگى ۋاقىتتا 3 گرادۋسقا دەيىن ۇسىك جۇرەدى.

ەلىمىزدىڭ باتىسىندا عانا جوعارى قىسىم ءورىسى جاۋىن-شاشىننىڭ توقتاۋىنا جانە تۇندە دە، كۇندىز دە اۋا تەمپەراتۋراسىنىڭ بىرتىندەپ كوتەرىلۋىنە سەبەپشى بولادى.