21:30, 13 - اقپان 2024 | GMT +5
مامىردا ەلىمىز بويىنشا كيىك ساناعى جۇرەدى - كوميتەت
استانا. KAZINFORM -ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ مىندەتىن اتقارۋشى دانيار تۇرعامبايەۆ كيىك اتۋدىڭ كەلەسى كەزەڭى قاشان باستالاتىنىن ايتتى.
«ول بيولوگيالىق نەگىزدەمە جازىلادى. نەگىزدەمەنى عىلىمي مەكەمەلەر جاسايدى. سول كەزدە مەرزىمى، مەزگىلى انىقتالادى»، - دەدى مينيسترلىك وكىلى.
ب ا ق وكىلى بۇل كەزەڭ جىلدىڭ قاي مەزگىلىنە ءدوپ كەلۋى مۇمكىن ەكەنىن سۇرادى.
«ەندى سول، بيىل، ماۋسىم- شىلدە ايلارىنا دەيىن نەگىزدەمە دايىن بولۋى كەرەك. ساناقتان كەيىن عوي. مامىر ايىندا ساناق وتەدى. سول ساناق قورىتىندىسى بويىنشا دايىندالادى»، - دەدى دانيار تۇرعامبايەۆ.
