مامىردا 4 مىڭنان استام ادام شەكارا ءتارتىبىن بۇزعان - ۇ ق ك
استانا. KAZINFORM - ۇ ق ك شەكارا قىزمەتىنىڭ 2025 -جىلعى مامىر ايىنداعى ءىس-قيمىل ناتيجەلەرى جاريالاندى.
2025 -جىلعى مامىر ايىندا ق ر ۇلتتىق قاۋىپسىزدىك كوميتەتىنىڭ شەكارا قىزمەتى مەملەكەتتىك شەكارانى كۇزەتۋ جانە قورعاۋ بويىنشا مىندەتتەردى ورىنداۋ بارىسىندا قۇزىرلى ورگاندارمەن ءوزارا ءىس-قيمىلدا ءبىرقاتار زاڭبۇزۋشىلىقتىڭ جولىن كەستى.
شەكارا كەڭىستىگىندە ق ر زاڭناماسىن بۇزعان 3963 تۇلعا ۇستالدى، ونىڭ ىشىندە:
30 شەتەل ازاماتى - شەكارانى زاڭسىز كەسىپ وتكەنى ءۇشىن؛
26 شەتەل ازاماتى - شەكارانى بۇزۋعا ارەكەت جاساعانى ءۇشىن.
1443 زاڭسىز الىپ ءوتۋ فاكتىسىنىڭ جولى كەسىلدى، ونىڭ ىشىندە:
ەسىرتكى قۇرالدارى مەن پرەكۋرسورلار - 5 ك گ-دان استام، سونىڭ ىشىندە 200 كگ- نان استام پرەكۋرسور؛
قارۋ-جاراق پەن وق-ءدارى - 62 فاكت (1 جارامسىز اتىس قارۋى، 3 اتىس قارۋى، 1 تراۆماتيكالىق قارۋ، 464 دانا سۋىق قارۋ، 93 دانا وق-ءدارى، 23 دانا ەلەكتروشوكەر)؛
ءدىني ادەبيەت - 135 دانا (26 فاكت)؛
جانار-جاعارماي ماتەريالدارى - 373 فاكت، 50000 ليتردەن استام، جالپى سوماسى 27 ميلليون تەڭگەدەن اسادى؛
حالىق تۇتىنۋ تاۋارلارى - 837 فاكت، جالپى قۇنى 2,8 ميلليارد تەڭگەدەن استام؛
شەتەل ۆاليۋتاسى - 133 فاكت، جالپى سوماسى 1,4 ميلليارد تەڭگەدەن استام.
كاسپيي تەڭىزى اكۆاتورياسىندا 32 براكونەرلىك ارەكەتتىڭ جولى كەسىلدى، سونداي- اق كەلەسى زاتتار تاركىلەندى:
21 ءجۇزۋ قۇرالى؛
40 ك م-دەن استام براكونەرلىك تور؛
140 دانا (770 ك گ) بەكىرە تۇقىمداس بالىق؛
الدىن الىنعان زالال سوماسى - شامامەن 320 ميلليون تەڭگە.
بارلىق انىقتالعان زاڭبۇزۋشىلىقتار بويىنشا ماتەريالدار قۇقىق قورعاۋ جانە سوت ورگاندارىنا ءتيىستى زاڭ اياسىندا شەشىم قابىلداۋ ءۇشىن جولداندى.
مەملەكەتتىك شەكارا بويىنشا شەكتەۋ شارالارى ەنگىزىلگەن جوق، بارلىق وتكىزۋ پۋنكتى قالىپتى رەجيمدە جۇمىس ىستەپ جاتىر.
بۇعان دەيىن ۇ ق ك اقمولا وبلىسىندا جارىلعىش زاتتاردىڭ زاڭسىز اينالىمىن توقتاتقانىن جازدىق.
