مالديۆ ارالدارى يزرايل ازاماتتارىنا ەلگە كىرۋگە تىيىم سالدى

استانا. KAZINFORM - مالديۆ ارالدارى گازا سەكتورىنداعى قاقتىعىسقا بايلانىستى يزرايل ازاماتتارىنا ەل اۋماعىنا كىرۋگە تىيىم سالادى. بۇل تۋرالى جەرگىلىكتى بيلىككە سىلتەمە جاساپ، 24.kz حابارلادى.

پرەزيدەنت كەڭەسى مينيسترلەر كابينەتىنىڭ ۇسىنىسىمەن وسىنداي شەشىم قابىلداعان. ۇكىمەت قولدانىستاعى زاڭعا تۇزەتۋ ەنگىزىپ، ونى قاداعالاۋ ءۇشىن مينيسترلەر كابينەتىنىڭ كىشى كوميتەتىن قۇرادى. يزرايل سىرتقى ىستەر مينيسترلىگى تىيىم سالۋ تۋرالى حاباردان كەيىن ارالعا بارۋدان باس تارتىپ، وندا جۇرگەن ازاماتتارعا ەلگە قايتۋعا كەڭەس بەردى.

«ويتكەنى ولار بەلگىسىز سەبەپپەن قيىندىققا تاپ بولسا، كومەكتەسۋ مۇمكىن بولمايدى»، دەلىنگەن حابارلامادا.

ەسكە سالا كەتەيىك، بۇعان دەيىن كاتار، مىسىر جانە ا ق ش بيلىگى يزرايل مەن پالەستينالىق حاماس- تى گازا سەكتورىنداعى اتىستى توقتاتۋ جانە وتكەن جىلدىڭ 7 -قازانىنداعى شابۋىل كەزىندە تۇتقىنعا الىنعان يزرايلدىكتەردى بوساتۋ تۋرالى كەلىسسوزدەردى قايتا باستاۋعا شاقىرعانىن جازعان بولاتىنبىز.

اۆتور

باقىتگۇل اباي قىزى