مالايا ۋنيۆەرسيتەتىن دە قازاق ءتىلى كۋر ىسى اشىلادى

  استانا . KAZINFORM - مالايزيادا قازاق ءتىلىن وقىتاتىن كۋرىستار اشىلادى. بۇل تۋرالى مالايزيادا وتكەن ازيا ەلدەرىندەگى قازاقتاردىڭ تۇڭعىش قۇرىلتايىندا ايتىلدى، دەپ حابارلادى «وتانداستار قورى» ك ە ا ق.

قۇرىلتاي بارىسىندا مالايا ۋنيۆەرسيتەتىنىڭ تىلدەر جانە لينگۆيستيكا فاكۋلتەتىنىڭ دەكان ورىنباسارى، دوكتور ازلين زايتي زاينال ۋنيۆەرسيتەت قابىرعاسىندا قازاق ءتىلى كۋرستارىنىڭ اشىلاتىنى تۋرالى قۋانىشتى جاڭالىقپەن ءبولىستى. بۇل كۋرس قازاق ءتىلىن شەتەلدىك ءبىلىم ورداسىندا وقىتۋ بويىنشا ماڭىزدى قادام بولىپ تابىلادى جانە قازاقستان مەن مالايزيا اراسىنداعى مادەني بايلانىستى نىعايتۋعا ۇلەس قوسادى.
دوكتور ءازليننىڭ ايتۋىنشا، كۋرس مالايا ۋنيۆەرسيتەتىندە قازاق ءتىلىن ۇيرەنۋگە نيەت بىلدىرگەن ستۋدەنتتەر مەن وقىتۋشىلارعا ارنالعان. ول كۋرستىڭ دامۋ جوسپارى تۋرالى اقپارات بەرىپ، قازاق ءتىلىنىڭ گرامماتيكاسى، لەكسيكاسى جانە مادەنيەتپەن تىعىز بايلانىستى اسپەكتىلەرىن قامتيتىنىن ايتتى. وسى باستامانىڭ ارقاسىندا قازاق ءتىلى مەن مادەنيەتى شەتەلدىك ستۋدەنتتەر اراسىندا كەڭىنەن تانىلىپ، ەكى ەل اراسىنداعى ءبىلىم جانە مادەنيەت سالاسىنداعى ىنتىماقتاستىقتى ارتتىرۋعا سەپتىگىن تيگىزەدى.
ايتا كەتەيىك، 11-12-قاراشا ارالىعىندا «وتانداستار قورى» ك ە ا ق، مالايزياداعى قازاق قاۋىمداستىعىنىڭ ۇيىمداستىرۋىمەن، قازاقستان رەسپۋبليكاسىنىڭ مالايزياداعى ەلشىلىگىنىڭ قولداۋىمەن مالايزيانىڭ كۋالا- لۋمپۋر قالاسىندا وڭتۇستىك- شىعىس ازيا ەلدەرىندەگى قازاقتاردىڭ تۇڭعىش قۇرىلتايى ءوتتى. قۇرىلتايعا مالايزيا، كورەيا، سينگاپۋر ەلدەرىنەن 100 گە جۋىق وتانداستارىمىز قاتىستى.

 

ريزابەك نۇسىپبەك ۇلى