مال تاسجولعا ءجيى شاۋىپ شىعاتىن بولعان: بۇل ءۇشىن كىم جازالانادى؟

رەسپۋبليكالىق ماڭىزى بار تاسجولداردىڭ بويىنا مال ءجيى شاۋىپ شىعاتىن بولعان. وسىعان وراي «قازاۆتوجول» قازاقستاندىقتارعا ۇندەۋ جاسادى.

زاڭعا سايكەس جان-جانۋار مەن كولىك سوقتىعىسقان جاعدايدا جاۋاپكەرشىلىك مالدىڭ يەسىنە جۇكتەلەدى.

2017 -جىلعى 6- قازانداعى جوعارعى سوتتىڭ قاۋلىسىنا سايكەس جول اپاتى «مال ايداۋ» (1.24) جول بەلگىسى بار اۋماقتان تىس جەردە بولىپ، جۇرگىزۋشى جىلدامدىق رەجيمىن جانە جول قوزعالىسى ەرەجەلەرىن ساقتاعان جاعدايدا دا جول اپاتى سالدارىنان مال ولسە، بۇل ءۇشىن ول اكىمشىلىك جاۋاپكەرشىلىككە تارتىلمايدى.

«مۇنداي جول اپاتى جيىلەۋىنە مالدىڭ يەلەرىنىڭ جانە ءىرى قاراعا جۇك ارتىپ، ابزەلدەيتىن ازاماتتاردىڭ باقىلاماۋى سەبەپ بولىپ وتىر. جول قوزعالىسى ەرەجەلەرىنىڭ 24- ءبولىمىنىڭ 176-تارماعىنا سايكەس جانۋارلارعا باقىلاۋ جاساۋ جانە قاداعالاۋ مىندەتى مالدىڭ يەلەرىنە جۇكتەلەدى. يەلەرىنەن مالدى مۇقيات باقىلاۋدا ۇستاپ، تاسجولدارعا شىعۋىنا جول بەرمەۋىن، سونداي-اق، جول اپاتىنىڭ الدىن الۋ ماقساتىندا قاۋىپسىزدىك شارالارىن ساقتاۋدى سۇرايمىز»، - دەپ جازىلعان حابارلامادا.

Massaget.kz