مادريدتە مىڭداعان ادام دەمونستراتسياعا شىقتى
استانا. KAZINFORM - مادريد ورتالىعىندا مىڭداعان ادام يسپانيانىڭ ءىس باسىنداعى ۇكىمەتىنىڭ وتستاۆكاعا شىعۋىن تالاپ ەتىپ، مانيفەستاتسيا ۇيىمداستىردى، دەپ حابارلايدى euronews.
ميتينگتى ۇيىمداستىرۋشى حالىق پارتياسى شۇعىل تۇردە كەزەكتەن تىس سايلاۋ ۇيىمداستىرۋعا شاقىردى.
ولار 100 مىڭنان استام ادام جيناپ ۇلگەرگەنىن ايتتى. ال ۇكىمەتتىڭ باعالاۋ كوزدەرى بۇدان ەكى ەسە كەم.
وپپوزيتسيا وكىلدەرىنىڭ ءوز جاقتاستارىن كوشەگە شىعۋعا شاقىرۋىنا بيلىك باسىنداعى سوتسياليستىك پارتيانىڭ بۇرىنعى وكىلىنىڭ اڭگىمەسىنىڭ جازباسى سەبەپ بولعان. وندا پارتيانىڭ بۇرىنعى وكىلى بيزنەسمەندەرگە پوليسيانىڭ اقپاراتىن جەتكىزە وتىرىپ، ءتيىمدى مامىلە جاساۋعا بولاتىنى تۋرالى ماسەلەنى تالقىلاعان.
وپپوزيتسيونەرلەر سوتسياليستەردىڭ ەسىنە كاتالونيالىق سەپاراتيستەرمەن جاسالعان امنيستيا تۋرالى كەلىسىمدى دە ەسكە سالدى. حالىق پارتياسى بۇل ماسەلە بويىنشا بىرنەشە مارتە نارازىلىق بىلدىرگەن بولاتىن.
وسىعان دەيىن يسپانيانىڭ 50 قالاسىندا تۇرعىن ءۇي داعدارىسىنا قارسى دەمونستراتسيالار وتكەنى تۋرالى جازعان ەدىك.
