20:44, 20 - ماۋسىم 2025 | GMT +5
ماڭعىستاۋدىڭ قاراقيا اۋدانىندا درونعا ۇقساس زات تابىلدى
اقتاۋ. KAZINFORM - بولاشاق تەمىرجول ستانسياسىنىڭ ماڭىندا، شەكاراعا جاقىن جەردە ۇشقىشسىز ۇشۋ اپپاراتىنا ۇقساس بەلگىسىز زات تابىلعان. بۇل تۋرالى قۇزىرلى ورگانعا تۇرعىندار حابارلاعان.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە، درون ەلدى مەكەندەردەن الىس، ادام تۇرمايتىن اۋماقتان تابىلدى.
- وقيعا ورنىندا پوليتسيا قىزمەتكەرلەرى مەن ۋاكىلەتتى ورگاندار تەكسەرۋ جۇمىستارىن جۇرگىزىپ جاتىر. تابىلعان زاتتىڭ ناقتى قانداي قۇرىلعى ەكەنى جانە ونىڭ قايدان كەلگەنى ازىرگە بەلگىسىز. جاپا شەككەندەر جوق، ماتەريالدىق زالال تىركەلمەدى، - دەلىنگەن حابارلامادا.
قازىر وقيعانىڭ بارلىق ءمان-جايى انىقتالۋ ۇستىندە.
بۇعان دەيىن، كاسپي تەڭىزىندە قازاقستان مەن ازەربايجاننىڭ اسكەري تەڭىزشىلەرىنىڭ وقۋ-جاتتىعۋى ءوتىپ جاتقانىن جازعان بولاتىنبىز.
اۆتور
اياگوز ءىزباساروۆا
