ماڭعىستاۋدا سۋ تۇشىتاتىن قوندىرعى ىسكە قوسىلدى

اقتاۋ. KAZINFORM - تاۋلىگىنە 4500 تەكشە مەتر سۋ تۇشىتاتىن قوندىرعى اقتاۋ قالاسىنىڭ ىرگەسىندەگى سايىن شاپاعاتوۆ اۋىلىندا پايدالانۋعا بەرىلدى.

су тұшыту
Фото: Маңғыстау облысы әкімдігі

سۋ تۇشىتۋ زاۋىتى جەراستى سۋلارىن پايدالانىپ، اۋىل حالقىنا سانيتارلىق تالاپقا ساي اۋىز سۋ بەرىپ وتىر.

الداعى ۋاقىتتا ءوندىرىس قۋاتىن تاۋلىگىنە 6500 تەكشە مەترگە دەيىن ارتتىرۋ كوزدەلگەن.

جوبا قۇنى - 1 ميلليارد تەڭگە.

- جاڭا قوندىرعىنىڭ كومەگىمەن زاۋىتتىڭ قۋاتى ەكى ەسە ارتتى. كاسىپورىن تاۋلىگىنە 4500 تەكشە مەتر سۋ تۇشىتادى. بۇل ءوز كەزەگىندە ون مىڭعا جۋىق تۇرعىنى بار سايىن شاپاعاتوۆ پەن كورشىلەس 15 مىڭ ادام تۇراتىن اقشۇقىر اۋىلىن اۋىز سۋمەن تولىق قامتاماسىز ەتۋگە مۇمكىندىك بەرەدى، - دەيدى ماڭعىستاۋ وبلىسىنىڭ اكىمى نۇرداۋلەت قيلىباي.

ايتا كەتەيىك، ايماقتا اۋىز سۋ تاپشىلىعى بار.

بۇعان دەيىن اقتاۋدا 3 كۇن بويى اۋىزسۋسىز قالعان تۇرعىنداردىڭ جانايقايىن جەتكىزگەن ەدىك.

سوڭعى جاڭالىقتار