ماڭعىستاۋدا ۆاحتاعا بارا جاتقان اۆتوبۋس جول اپاتىنا ءتۇستى
ماڭعىستاۋدا جۇمىسشىلاردى ۆاحتاعا اپارا جاتقان اۆتوبۋس اۋدارىلدى. جول اپاتى اقتاۋ-قاراجانباس جولىنىڭ 144-شاقىرىمىندا بولعان، دەپ حابارلايدى Kazinform.
ماڭعىستاۋ وبلىستىق پوليتسيا دەپارتامەنتى اپاتتىڭ بۇگىن 13:40-تا بولعانىن مالىمدەدى.
«اۆتوبۋستا ۆاحتاعا بارا جاتقان جۇمىسشىلار بولعان. جول اپاتىنان ەشكىم زارداپ شەكپەدى. جۇمىسشىلار باسقا اۆتوبۋسقا وتىرعىزىلدى. ءقازىر پوليتسيا قىزمەتكەرلەرى وقيعا ورنىندا جول اپاتىنىڭ سەبەبىن انىقتاپ جاتىر»، - دەپ حابارلادى ماڭعىستاۋ وبلىستىق پوليتسيا باسقارماسىنىڭ باسپا ءسوز حاتشىسى ايگەرىم يباتتۋلايەۆا.
«قاراجانباس» ا ق باسپا ءسوز قىزمەتى اۆتوبۋس كومپانياعا تيەسىلى ەمەس ەكەنىن ايتىپ وتىر. دەگەنمەن جول اپاتىنا تۇسكەن كولىك وڭىردەگى مۇناي سالاسىندا قىزمەت كورسەتۋشى كومپانيا مەنشىگى ەكەنىن جەتكىزدى.
اۆتور
ەلميرا ورالبايەۆا
