م ر ت ناتيجەسى كوروناۆيرۋسپەن ۇزاق اۋىرعان ناۋقاستىڭ ىشكى ورگاندارى بۇزىلاتىنىن كورسەتتى

عالىمدار كوۆيدتەن ۇزاق ۋاقىت زارداپ شەككەندەردىڭ ۇشتەن بىرىندە اۋرۋحانادان شىققاننان بىرنەشە اي وتكەن سوڭ ىشكى ورگانداردىڭ جۇمىسىنداعى بۇزىلۋلاردى انىقتادى، دەپ حابارلايدى قازاقپارات بۇل تۋرالى BBC جاڭالىقتارىنا سىلتەمە جاساپ.

عالىمدار العاش رەت ۆيرۋس جۇقتىرعاننان كەيىن ۇزاق ۋاقىت اۋرۋدان ارىلا الماعان ناۋقاستاردىڭ م ر ت قورىتىندىلارىن زەرتتەدى.

زەرتتەۋ ناتيجەسى كوۆيدپەن ۇزاق اۋىرعانداردا اۋىرماعاندار توبىمەن سالىستىرعاندا وكپە، مي جانە بۇيرەك زاقىمدانۋى ءۇش ەسە جوعارى ەكەنىن كورسەتتى.

وكپەنىڭ زاقىمدانۋى Covid-پەن ۇزاق ۋاقىت اۋىرعان ناۋقاستار اراسىندا شامامەن 14 ەسە ءجيى كەزدەسەدى، ال بۇيرەك پەن ميدىڭ اۋىتقۋى سايكەسىنشە ءۇش جانە ەكى ەسە جوعارى بولدى.

كوپتەگەن ورگانداردىڭ زاقىمدانۋ دارەجەسى ينفەكسيانىڭ اۋىرلىعىنا، جاسىنا جانە باسقا اۋرۋلاردىڭ بولۋىنا بايلانىستى.