ليترى 529 تەڭگەلىك ەڭ ارزان كۇنباعىس مايى قاي وڭىردە ەكەنى بەلگىلى بولدى

استانا. KAZINFORM - قازاقستاندا 2024 -جىلدىڭ ءبىرىنشى توقسانىندا تازارتىلماعان كۇنباعىس مايىن ءوندىرۋ كولەمى 2023 -جىلدىڭ سايكەس كەزەڭىمەن سالىستىرعاندا %31,4 ءوستى.

وسى ۋاقىت ىشىندە قازاقستاندىق كاسىپورىندار 136,5 مىڭ توننا ءونىم شىعارسا، 2023 -جىلى 103,9 مىڭ توننا كۇنباعىس مايىن وندىرگەن.

وتاندىق ءونىمنىڭ نارىقتاعى ۇلەسى %83,7، بۇل رەتتە ءونىمنىڭ %16,3 سىرتتان اكەلىنەدى.

كۇنباعىس مايىنىڭ نەگىزگى ۇلەسى (سوفلور جانە ماقتا مايىن قوسا العاندا) وتكەن جىلى وزبەكستانعا، قىتايعا جانە تاجىكستانعا ەكسپورتتالدى.

ەلىمىزدە كۇنباعىس مايىنىڭ ورتاشا باعاسى - ليترىنە 651 تەڭگە.

وڭىرلەر اراسىندا كۇنباعىس مايىنىڭ ەڭ تومەنگى باعاسى شىمكەنتتە — 529 ت گ/ل، ال ەڭ جوعارى باعا جەزقازعان قالاسىندا - ورتاشا باعا 865 ت گ/ل.