ۇلىتاۋ وبلىسىندا پاترونات اتا- انا 4 بالاعا قۇل رەتىندە مال باققىزىپ كەلگەن

патронат
Фото: Мақсат Шағырбаев

استانا. KAZINFORM - ىشكى ىستەر مينيسترلىگى اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ سەناتتا ءوتىپ جاتقان دوڭگەلەك ۇستەلدە پاتروناتتىق تاربيەگە الىنعان بالالاردىڭ جاعدايىن قاداعالايتىن ورگانداردىڭ جۇمىسىن سىنادى.

«قورعانشىلىق جانە قامقورشىلىق ورگاندارىنىڭ قىزمەتىنە دە قاتىستى ماسەلەلەر بار»، - دەگەن كوميتەت باسشىسى ول سوزىنە ناقتى مىسال كەلتىردى.

«بيىلدىڭ وزىندە ۇلىتاۋ وبلىسىنىڭ قىستاۋىندا جەزقازعان قالاسىنان 30 شاقىرىم جەردە زورلىق-زومبىلىق پەن جازا قولدانۋ ارقىلى بالالارعا مال باققىزۋ فاكتىسى انىقتالدى. بۇل بالالار 2018 -جىلدىڭ قاڭتارىنا دەيىن قيىن ومىرلىك جاعدايداعى قولداۋ ورتالىعىندا بولعان. ولاردى پاترونات اتا-انالار الىپ كەتكەن. جالپى ايتقاندا، 4 بالانى الىپ كەتىپ، ولارعا قۇل رەتىندە مال باقتىرىپ وتىرعان عوي. وعان ەشكىم قاراماعان. بالالار پاتروناتتىق تاربيەدە بولعان 6 جىلدىڭ ىشىندە بۇل وتباسىنى قورعانشىلىق جانە قامقورشىلىق بولىمدەرى تەكسەرمەگەن. بۇل رەتتە پاترونات بالانى تاربيەلەۋ مەن كۇتىپ باعۋدى باقىلاۋدى قورعانشىلىق جانە قامقورشىلىق ورگاندارى 6 ايدا كەمىندە ءبىر رەت تەكسەرۋ كەرەك ەدى. بۇل وقۋ-اعارتۋ مينيسترلىگى تاراپىنان ۆەدومستۆولىق باعىنىستى ۇيىمداردىڭ قىزمەتىنە باقىلاۋ جوقتىعىن كورسەتەدى»، - دەدى قايسار سۇلتانبايەۆ.

اۆتور

ەسىمجان ناقتىباي

سوڭعى جاڭالىقتار