ەليسەي سارايى «پاري سەن-جەرمەن» كومانداسىن قابىلدادى

استانا. KAZINFORM - ەۋروپالىق كلۋبتىق فۋتبولدىڭ باس جۇلدەگەرى «پاري سەن- جەرمەن» جەكسەنبى كۇنى پاريجگە كەلدى، دەپ حابارلايدى Kazinform اگەنتتىگىنىڭ ءتىلشىسى.

كۇندىز فۋتبولشىلار سەنبى كۇنى جاپپاي نارازىلىق پەن پوليتسيامەن قاقتىعىس بولعان فرانسيانىڭ ەڭ ايگىلى كوشەسى - ەليسەي الاڭىنا باردى.

فرانسيا پرەزيدەنتى ەممانيۋەل ماكرون جەكسەنبى كۇنى «پاري سەن- جەرمەن» فۋتبول كومانداسىن چەمپيوندار ليگاسىنداعى تاريحي جەڭىسىمەن قۇتتىقتاۋ ءۇشىن پرەزيدەنت سارايىندا قارسى الدى. ماكرونمەن كەزدەسۋ الدىندا پ س ج ويىنشىلارى توبەسى اشىق اۆتوبۋسپەن ەليسەي الاڭىن ارالادى.

الدىڭعى كۇنى ميۋنحەندە وتكەن تۋرنيردىڭ فينالىندا كوماندا «ينتەردى» 5:0 ەسەبىمەن جەڭگەن بولاتىن.

سونىمەن قاتار، سەنبى كۇنى ەلدە كوماندا جەڭىسىن تويلاۋ كەزىندە ەكى ادام قازا تاپتى. پوليتسيانىڭ حابارلاۋىنشا، داكس قالاسىندا 17 جاستاعى جاس ءوسپىرىم پىشاقتالىپ ولتىرىلگەن.

پ س ج جەڭىسىن تويلاۋ كەزىندە سكۋتەرىن كولىك سوعىپ، تاعى ءبىر ايەل قايتىس بولدى. ەكى ولىمگە قاتىستى تەرگەۋ امالدارى باستالدى.

فرانسيانىڭ ىشكى ىستەر مينيسترلىگى دە پاريجدە 18 پوليتسيا قىزمەتكەرىنىڭ جارالانعانىن جانە جۇزدەگەن ادامنىڭ قاماۋعا الىنعانىن حابارلادى.

ەممانيۋەل ماكرون ەليسەي سارايىنداعى كوماندامەن كەزدەسۋدە پ س ج جەڭىسىن تويلاۋ كەزىندە ورىن العان وقيعالاردى ايىپتادى.

«سوڭعى بىرنەشە ساعاتتا بولعان وقيعانى ەشتەڭە اقتاي المايدى، قاتتى قاقتىعىستارعا جول بەرىلمەيدى»، - دەدى ول كوماندانى قۇتتىقتاماس بۇرىن.

ايتا كەتەيىك، فرانسيادا كريپتوۆاليۋتالىق بيزنەسمەندەردى ۇرلاۋ ءىسى بويىنشا كۇدىكتىلەر قاماۋعا الىندى.

اۆتور

زارينا تۋعانبايەۆا