ەلىمىزدىڭ سىرتقى ساۋداداعى باستى سەرىكتەستەرى اتالدى

استانا. KAZINFORM - وتكەن جىلدىڭ قورىتىندىسى بويىنشا قىتاي، رەسەي جانە يتاليا ەلىمىزدىڭ ءىرى ساۋدا سەرىكتەستەرى بولدى - ءدال وسى ءۇش مەملەكەتكە ەكسپورتتىڭ دا، يمپورتتىڭ دا نەگىزگى كولەمى تيەسىلى، دەپ حابارلايدى ساۋدا جانە ينتەگراتسيا مينيسترلىگى.

2024 -جىلى قازاقستان سىرتقى ەكونوميكالىق قارىم-قاتىناسى تۇراقتى ءوسۋىپ، ءداستۇرلى نارىقتارداعى پوزيتسياسىن نىعايتىپ، مينەرالدى رەسۋرستاردىڭ سەنىمدى ەكسپورتتاۋشىسى مارتەبەسىن ساقتاپ قالدى.

قازاقستاننىڭ ەكسپورتتىق كىرىسى 2024 -جىلى 81 ميلليارد ا ق ش دولللارىنان استى. بۇل سومانىڭ جارتىسىنان استامى، ياعني 42,9 ميلليارد ا ق ش دوللارى شيكى مۇنايعا تيەسىلى، بۇل بۇكىل قازاقستاندىق ەكسپورتتىڭ %52,5- ىن قۇرايدى. سونىمەن قاتار، ەل سىرتقى نارىققا ۋران (4,6 ميلليارد ا ق ش دوللارى)، مىس جانە مىس كاتودتارىن (4,1 ميلليارد ا ق ش دوللارى)، سونداي-اق مىس كەندەرى مەن كونسەنتراتتارىن 3,2 ميلليارد ا ق ش دوللارى) بەلسەندى تۇردە جەتكىزدى. فەرروقورىتپالارعا، تابيعي گازعا، بيدايعا جانە مۇناي ونىمدەرىنە تۇراقتى سۇرانىس ساقتالىپ وتىر.

2024 -جىلى تەحنيكا، كولىك جانە فارماتسيەۆتيكا سالاسىندا يمپورت بەلسەندىلىگىمەن ەرەكشەلەندى. ەڭ ۇلكەن كولەم جەڭىل اۆتوموبيلدەرگە ($2,3 ميلليارد)، ۇشۋ اپپاراتتارىنا ($1,8 ميلليارد)، دارىلىك پرەپاراتتارعا ($1,7 ميلليارد) جانە تەلەكوممۋنيكاتسيالىق جابدىققا تيەسىلى بولدى. قازاقستاندىق نارىق دايىن بۇيىمداردى دا، جيىنتىقتاۋىشتاردى - شاناقتاردى، قوسالقى بولشەكتەردى، ەسەپتەۋ تەحنيكاسىن دا يمپورتتاي وتىرىپ، جاھاندىق وندىرىستىك تىزبەككە كىرۋىن جالعاستىرىپ كەلەدى.

- 2025 -جىلدىڭ باسى وسى تەندەنسيالاردىڭ تۇراقتىلىعىن راستادى. قاڭتار ايىندا قازاقستاننىڭ ەكسپورتى $4,5 ميلليارد قۇرادى، ونىڭ %60- ى تاعى دا مۇنايعا تيەسىلى. جەتكىزۋ قۇرىلىمىندا مىس، فەرروقورىتپالار، بيداي، سونداي-اق ۋران، تابيعي گاز جانە كۇنباعىس مايى ماڭىزدى پوزيتسيالار بولىپ قالا بەردى. قاڭتار ايىندا يمپورت 2,8 ميلليارد ا ق ش دوللارىنان استى. جەتەكشى ساناتتارعا تەلەفوندار، اۆتوموبيل كورپۋستارى، ءدارى-دارمەكتەر جانە جەڭىل اۆتوموبيلدەر جاتادى. سونداي-اق قۇرىلىس تەحنيكاسى مەن قوزعالتقىشتاردى جەتكىزۋدىڭ ءوسىمى بايقالادى. شيكىزات ەكسپورتى مەن جوعارى تەحنولوگيالىق ءونىم يمپورتى اراسىنداعى تەڭگەرىمنىڭ ساقتالۋى قازاقستاننىڭ سىرتقى ەكونوميكالىق باعىتىنىڭ ورنىقتىلىعىن راستايدى، - دەلىنگەن مينيسترلىك حابارلاماسىندا.

2025 -جىلى قىتايمەن، رەسەيمەن جانە ەۋروپالىق وداق ەلدەرىمەن ستراتەگيالىق ارىپتەستىكتى دامىتۋ، سونداي-اق ورتالىق ازيا نارىقتارىنداعى پوزيتسيالاردى نىعايتۋ باسىمدىق بولىپ قالا بەرەدى.