ەلىمىزدەگى سيرەك مەتالدارعا قاي ەلدەر «قۇدا ءتۇسىپ» وتىر

сирек металл
Фото: freepik.com

استانا. KAZINFORM - سىرتقى ىستەر مينيسترلىگى Kazinform ساۋالىنا جولداعان جاۋابىندا ەلدەگى سيرەك مەتال كەنىشتەرىن بارلاپ، وندىرۋگە قاي ەلدەردەن ۇسىنىس تۇسكەنىن ايتتى.

جالپى شەتەلدىك ينۆەستورلار سيرەك كەزدەسەتىن مەتالدار كەن ورىندارىن يگەرۋ بويىنشا قازاقستانعا ايتارلىقتاي قىزىعۋشىلىق تانىتۋدا. ينۆەستورلار ەلەكترونيكا، ماگنيت جانە اككۋمۋلياتور ءوندىرىسى سياقتى جوعارى تەحنولوگيالىق سالالار ءۇشىن ماڭىزدى جاڭا كەن ورىندارىن بەلسەندى ىزدەستىرۋدە.

«بۇگىنگى تاڭدا گەرمانيا، وڭتۇستىك كورەيا، قىتاي، ا ق ش جانە ۇلى بريتانيا سياقتى ەلدەردىڭ شەتەلدىك ينۆەستورلارىنان سيرەك كەزدەسەتىن مەتالدار سالاسىنداعى ىنتىماقتاستىقتى نىعايتۋ تۋرالى ۇسىنىستار كەلىپ ءتۇستى. سونىمەن قاتار، جاپونيا، يندونەزيا جانە فرانسيا سياقتى ەلدەر وسى باعىتتا قارىم-قاتىناس ورناتۋعا نيەتتى. «Kazakh Invest» ۇ ك» ا ق تاراپىنان اتقارىلعان جۇمىس شەڭبەرىندە بۇل سالاعا ءبىرقاتار شەتەلدىك كومپانيا تارتىلعان. 2024 -جىلدىڭ سوڭىنا دەيىن الماتى وبلىسىنداعى كەن ورنىندا ۆولفرامدى قايتا وڭدەۋ بويىنشا تاۋ-كەن بايىتۋ كومبيناتى پايدالانۋعا بەرىلەدى. ينۆەستيتسيانىڭ كولەمى 350 ميلليون ا ق ش دوللارىن قۇرايدى»، - دەپ جازادى مينيسترلىكتەگىلەر.

ۆەدومستۆو جاۋابىندا كەيبىر ينۆەستيتسيالىق كەلىسىمدەردىڭ مازمۇنى قۇپيا ەكەنى ايتىلعان.

«قالعان جوبالار بويىنشا ينۆەستيتسيالاردىڭ قۇنىن كورسەتۋ كومپانيالارمەن قول قويىلعان قۇپيالىق تۋرالى كەلىسىمدەرگە سايكەس مۇمكىن ەمەس ەكەنىن اتاپ وتەمىز. سيرەك كەزدەسەتىن ەلەمەنتتەر مەن سيرەك جەر مەتالدارعا قاتىستى قولدا بار وزەكتى جوبالار بويىنشا ينۆەستيتسيالار كولەمىنىڭ ايتارلىقتاي وسكەنىن اتاپ وتكەن ءجون. قازىرگى ۋاقىتتا وسى جوبالارعا سايكەس ليتي، يتتري، موليبدەن، ۆانادي جانە نيوبي سياقتى ەلەمەنتتەر بويىنشا بارلاۋ جانە قوسىمشا بارلاۋ جۇمىستارى جۇرگىزىلۋدە»، - دەلىنگەن رەسمي جاۋاپتا.

سوڭعى جاڭالىقتار