ەلىمىزدىڭ قاي وڭىرىندە ءىرى قارا كوپ

استانا. KAZINFORM - سوڭعى جىلداردا اۋىل تۇرعىندارىنىڭ ەشكى وسىرۋگە نيەتتى ەمەس ەكەنىن ستاتيستيكاعا سۇيەنبەي-اق اۋىلعا بارعان كەزدە كوز جەتكىزۋگە بولادى. جىلقى ۇستاۋعا ءبارىنىڭ بىردەي شاماسى جەتە بەرمەيدى.

قويدىڭ باعاسى پاندەميا كەزىندە كۇرت ءوسىپ، تۇرعىندار ۇساق مالدى وسىرۋگە قايتادان قىزىعۋشىلىق تانىتا باستادى. ال ەلىمىزدە زەڭگى بابا تۇلىگىنىڭ احۋالى قانداي؟

اۋىل شارۋاشىلىعى مينيسترلىگىنىڭ اگەنتتىك تىلشىسىنە بەرگەن مالىمەتىنشە، بيىل 1-قاڭتارعا دەيىن ەلىمىزدە 8,6 ميلليون ءىرى قارا تىركەلگەن. بۇل - وتكەن جىلدىڭ سايكەس كەزەڭىمەن سالىستىرعاندا %0,8- عا جوعارى.

- اۋىل شارۋاشىلىعى كاسىپورىندارىنداعى ءىرى قارا سانى 4,4 ميلليونعا تەڭ. جەكە اۋلادا 4,2 ميلليون باس بار. 1990 -جىلدارى ءىرى قارا سانى 9,7 ميلليون باستى قۇراعان بولاتىن. 2000-جىلدارى ءبىرشاما ازايىپ، 4,1 ميلليون باس تىركەلدى. بۇگىندە ءىرى قارا سانى 20 جىل ىشىندە 2 ەسە ارتىپ وتىر، - دەيدى اۋىل شارۋاشىلىعى مينيسترلىگىنىڭ باسپا ءسوز قىزمەتى.

وڭىرلەرگە توقتالساق، تۇركىستان وبلىسى كوش باستاپ تۇر. بۇل ايماقتا 1082,7 مىڭ باس ءىرى قارا بار ەكەن.

باتىس قازاقستان وبلىسىندا - 856,7 مىڭ باس، ال اباي وبلىسىندا 696,6 مىڭ باس سيىر تىركەلگەن.

سونداي- اق، اقمولا وبلىسىندا - 453,2 مىڭ باس، اقتوبە وبلىسىندا - 669,2 مىڭ باس، الماتى وبلىسىندا - 657,3 مىڭ باس، اتىراۋ وبلىسىندا - 203,7 مىڭ باس، جامبىل وبلىسىندا - 530,2 مىڭ باس، جەتىسۋ وبلىسىندا - 515,5 مىڭ باس، قاراعاندى وبلىسىندا - 486,4 مىڭ باس، قوستاناي وبلىسىندا - 477,3 مىڭ باس، قىزىلوردا وبلىسىندا - 409,7 مىڭ باس، ماڭعىستاۋ وبلىسىندا - 21,4 مىڭ باس، پاۆلودار وبلىسىندا - 480,1 مىڭ باس، سولتۇستىك قازاقستان وبلىسىندا - 379,9 مىڭ باس، ۇلىتاۋ وبلىسىندا - 149,3 مىڭ باس، شىعىس قازاقستان وبلىسىندا - 439,6 مىڭ باس، شىمكەنت قالاسىندا - 97,6 مىڭ باس ءىرى وسىرىلەدى.

اۆتور

ورالحان قوجانوۆ