ەلىمىزدىڭ باسىم بولىگىندە اۋا رايىنا بايلانىستى ەسكەرتۋ جاريالاندى

«قازگيدرومەت» ر م ك مالىمەتىنشە، 9- قاراشادا ەلىمىزدىڭ 14 وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى kazinform اگەنتتىگى.

اتىراۋ، باتىس قازاقستان، اقمولا، ماڭعىستاۋ، قاراعاندى، اقتوبە جانە ۇلىتاۋ وبلىستارىندا تۇمان تۇسەدى. سولتۇستىك-باتىستان سوعاتىن جەل باعىتىن وڭتۇستىككە اۋىستىرىپ، كۇندىز وبلىستىڭ باتىسىندا ەكپىنى 15-20 م/س دەيىن جەتەدى.

الماتى، سولتۇستىك قازاقستان جانە جەتىسۋ وبلىستارىندا قاتتى جاڭبىر جاۋىپ، قار جاۋادى، تۇمان تۇسەدى.

قىزىلوردا وبلىسىندا جاڭبىر جاۋادى. وڭتۇستىك-باتىستان جەل سوعىپ، تاڭەرتەڭ جانە كۇندىز وبلىستىڭ ورتالىعىندا ەكپىنى 15-20 م/س بولادى.

قوستاناي وبلىسىندا تۇمان ءتۇسىپ، كوكتايعاق بولادى.

وسكەمەن، ريددەر قالالارىندا مەتەورولوگيالىق جاعدايدىڭ قولايسىزدىعىنا بايلانىستى قاۋىپتىڭ ەكىنشى دەڭگەيى ساقتالىپ وتىر.

تۇركىستان وبلىسىندا قاتتى جاڭبىر جاۋىپ، نايزاعاي وينايدى. باتىستان جەل سوعىپ، وبلىستىڭ تاۋلى جانە تاۋ ماڭىنداعى ايماقتاردا جەل جىلدامدىعى سەكۋندىنا 25 مەترگە دەيىن جەتەدى.