ەلىمىزدىڭ 14 وڭىرىندە اۋا رايىنا بايلانىستى ەسكەرتۋ جاريالاندى

سينوپتيكتەر رەسپۋبليكانىڭ 14 ايماعىندا اۋا رايىنا بايلانىستى ەسكەرتۋ جاريالادى، دەپ حابارلايدى Kazinform.

«قازگيدرومەت» ر م ك مالىمەتىنشە، الماتىدا 21- قاراشادا تۇندە جانە تاڭەرتەڭ تۇمان تۇسەدى.

اقمولا وبلىسىنىڭ سولتۇستىگىندە تۇمان بولادى. وڭتۇستىك-شىعىستان جەل سوعىپ، كۇندىز وبلىستىڭ باتىسىندا ەكپىنى 15-20، كەي كەزدە 23 م/س دەيىن كۇشەيەدى.

اقتوبە وبلىسىنىڭ سولتۇستىك- باتىسىندا تۇندە كوكتايعاق بولادى. وبلىستىڭ كوپ بولىگىندە وڭتۇستىك-شىعىستان سوعاتىن جەل ەكپىنى سەكۋندىنا 15-20 م/س، مۇعالجار اۋدانىندا 23-28 م/س دەيىن جەتەدى.

الماتى وبلىسىنىڭ وڭتۇستىگىندە، تاۋلى اۋداندارىندا كەي كەزدەرى تۇمان تۇسەدى. شىعىستان جەل سوعىپ، وبلىستىڭ سولتۇستىگىندە ەكپىنى 15-20 م/س دەيىن كۇشەيەدى.

اتىراۋ وبلىسىنىڭ باسىم بولىگىندە سولتۇستىك-باتىستان 15-20 م/س جىلدامدىقپەن جەل سوعادى، جەل 23-28 م/س دەيىن كۇشەيەدى، ال وبلىستىڭ باتىسىندا، وڭتۇستىگىندە، سولتۇستىگىندە كەي كەزدەرى 30 م/س جانە ودان اساتىن جىلدامدىقپەن سوعادى.

باتىس قازاقستان وبلىسىنىڭ سولتۇستىگىندە، باتىسىندا تۇندە تۇمان ءتۇسىپ، كوكتايعاق بولادى. وڭتۇستىك-شىعىستان سوعاتىن جەل باعىتىن سولتۇستىك-باتىسقا اۋىسادى. تۇندە وبلىستىڭ سولتۇستىگىندە، شىعىسىندا، ال كۇندىز باتىسىندا جەل ەكپىنى - 15-20 م/س.

قاراعاندى وبلىسىنىڭ سولتۇستىگىندە، شىعىسىندا تۇندە جانە تاڭەرتڭ تۇمان تۇسەدى. شىعىستان، وڭتۇستىك-شىعىستان جەل سوعىپ، كۇندىز وبلىستىڭ وڭتۇستىگىندە ەكپىنى 15-20 م/س بولادى.

قوستاناي وبلىسىنىڭ سولتۇستىگىندە، شىعىسىندا تۇمان تۇسەدى. وڭتۇستىك-شىعىستان جەل سوعىپ، كۇندىز وبلىستىڭ باتىسىندا، وڭتۇستىگىندە ەكپىنى 15-20 م/س دەيىن جەتەدى.

قىزىلوردا وبلىسىندا شىعىستان، وڭتۇستىك-شىعىستان جەل سوعىپ، تۇندە وبلىستىڭ ورتالىعىندا، باتىسىندا ەكپىنى 15-20 م/س، كۇندىز - 15-20 م/س، ورتالىقتا - 23 م/س دەيىن كۇشەيە تۇسەدى.

ماڭعىستاۋ وبلىسىندا وڭتۇستىك-شىعىستان سوعاتىن جەل باعىتىن سولتۇستىك-باتىسقا اۋىستىرادى، تۇندە وبلىستىڭ باتىسىندا جەل 15-20 م/س، كۇندىز باسىم بولىگىندە - 15-20 م/س، ال باتىس، وڭتۇستىك، ورتالىق بولىگىندە - 23-28 م/س جىلدامدىقپەن سوعادى.

پاۆلودار وبلىسىنىڭ وڭتۇستىگى مەن شىعىسىندا تۇندە تۇمان بولادى.

سولتۇستىك قازاقستان وبلىسىنىڭ وڭتۇستىك بولىگىندە تۇمان تۇسەدى. وڭتۇستىك-شىعىستان جەل سوعىپ، تۇندە وبلىستىڭ وڭتۇستىك- باتىس بولىگىندە ەكپىنى 15-20 م س/، كۇندىز باسىم بولىگىندە 15-20،9 كەي كەزدەرى 23 م/س دەيىن جەتەدى.

تۇركىستان وبلىسىنىڭ سولتۇستىگىندە، باتىسىندا وڭتۇستىك- شىعىستان، وڭتۇستىكتەن 15-20 م/س جىلدامدىقپەن جەل سوعادى.

ۇلىتاۋ وبلىسىنىڭ سولتۇستىگىندە، شىعىسىندا تۇندە جانە تاڭەرتەڭ تۇمان تۇسەدى. شىعىستان، وڭتۇستىك-شىعىستان جەل سوعىپ، وبلىستىڭ سولتۇستىگىندە، شىعىسىندا، وڭتۇستىگىندە ەكپىنى 15-20 م/س، كۇندىز 23 م/س دەيىن جەتەدى.