ەلىمىزدىڭ 11 وڭىرىندە داۋىلدى ەسكەرتۋ جاريالاندى

استانا. KAZINFORM - «قازگيدرومەت» ر م ك ەلىمىزدىڭ بىرنەشە وڭىرىندە اۋا رايىنا بايلانىستى داۋىلدى ەسكەرتۋ جاريالادى.

استانادا تۇندە جانە تاڭەرتەڭ تۇمان بولادى.

اقمولا وبلىسىندا تۇندە جاۋىن- شاشىن (جاڭبىر، قار) بولادى، وبلىستىڭ باتىسى مەن سولتۇستىگىندە كوكتايعاق بولادى. تۇندە جانە تاڭەرتەڭ وبلىستىڭ باتىسىندا، سولتۇستىگىندە جانە وڭتۇستىگىندە تۇمان تۇسەدى. سولتۇستىك- باتىس جەلى وبلىستىڭ سولتۇستىگى مەن شىعىسىندا 15-20 م/س جىلدامدىقپەن سوعادى.

اقتوبە وبلىسىندا كۇندىز وبلىستىڭ باتىسى مەن وڭتۇستىگىندە وڭتۇستىك- شىعىس جەلى 15-18 م/س جىلدامدىقپەن سوعادى.

اتىراۋ وبلىسىندا كۇندىز وبلىستىڭ باتىسى مەن وڭتۇستىگىندە نايزاعاي وينايدى. وڭتۇستىك- شىعىس، شىعىس جەلى وبلىستىڭ باتىسى، وڭتۇستىگى جانە شىعىسىندا 15-20 م/س دەيىن كۇشەيەدى.

جامبىل وبلىسىنىڭ وڭتۇستىگى مەن تاۋلى ايماقتارىندا تۇندە جانە تاڭەرتەڭ تۇمان كۇتىلەدى. تاۋلى اۋدانداردا سولتۇستىك- شىعىس جەلىنىڭ جىلدامدىعى 15-20 م/س بولادى.

جەتىسۋ وبلىسىنىڭ شىعىسىندا كۇندىز شىعىس جەل 15-20 م/س جىلدامدىقپەن سوعادى.

باتىس قازاقستان وبلىسىندا كۇندىز وبلىستىڭ باتىسى مەن وڭتۇستىگىندە شىعىس جەل 15-20 م/س دەيىن كۇشەيەدى.

قاراعاندى وبلىسىندا تۇندە وبلىستىڭ باتىسى، سولتۇستىگى جانە شىعىسىندا جاۋىن- شاشىن (جاڭبىر، قار) كۇتىلەدى، كوكتايعاق بولادى. كۇندىز وبلىستىڭ سولتۇستىگى مەن شىعىسىندا جاڭبىر جاۋادى.

قوستاناي وبلىسىندا تۇندە جانە تاڭەرتەڭ وبلىستىڭ باتىسى مەن وڭتۇستىك- شىعىسىندا تۇمان كۇتىلەدى.

ماڭعىستاۋ وبلىسىنىڭ ورتالىعىندا كۇندىز نايزاعاي بولادى. سولتۇستىك- شىعىسى مەن ورتالىعىندا شاڭدى داۋىل كۇتىلەدى. وڭتۇستىك- شىعىس جەلى سولتۇستىك- شىعىس پەن ورتالىقتا سولتۇستىك- باتىسقا اۋىسىپ، 15-20 م/س جىلدامدىققا جەتەدى.

پاۆلودار وبلىسىندا كۇندىز وڭتۇستىك- باتىس جەلىنىڭ جىلدامدىعى 15-20 م/س بولادى.

سولتۇستىك قازاقستان وبلىسىنىڭ شىعىسى مەن وڭتۇستىگىندە تۇندە جاڭبىر جاۋادى. وبلىستىڭ وڭتۇستىك- باتىسىندا تۇندە جانە تاڭەرتەڭ تۇمان كۇتىلەدى. كۇندىز سولتۇستىگى، شىعىسى جانە وڭتۇستىگىندە باتىس، سولتۇستىك- باتىس جەلىنىڭ ەكپىنى 15-20 م/س دەيىن جەتەدى.