ەلىمىزدە پويىز بيلەتتەرىنىڭ قىمباتتاعانى راس پا
«جولاۋشىلار تاسىمالى» ا ق كەيبىر ب ا ق بەتتەرىنە شىققان پويىز بيلەتىنىڭ قىمباتتاۋى تۋرالى اقپاراتقا تۇسىنىك بەردى، دەپ حابارلايدى Kazinform.
«جولاۋشىلار تاسىمالى» ا ق الەۋمەتتىك ماڭىزى بار وبلىسارالىق قاتىناستار بويىنشا تەمىر جول تاريفى بيىل 1-قاڭتاردا %7 عا وسكەنىن ەسكە سالادى. تاريفتىڭ وزگەرۋى كولىك مينيسترلىگىمەن كەلىسىلدى جانە باعانىڭ شەكتى دەڭگەيىنىڭ جىل سايىنعى ءوسۋىن ەسكەرە وتىرىپ جاسالدى.
اقپاراتتا ايتىلعانداي، الەۋمەتتىك ماڭىزى بار باعىتتار بويىنشا جۇرەتىن پويىزداردان باسقا، ەلىمىزدە 2014 -جىلدان باستاپ ەكسپرەسس كوممەرتسيالىق پويىزدارى قاتىنايدى. كوممەرتسيالىق پويىزدار بيلەتىنىڭ قۇنى ونى ساتىپ الۋ مەرزىمىنە جانە بيلەتكە سۇرانىسقا بايلانىستى بەلگىلەنەدى.
«سونىمەن قاتار، ەلىمىزدە پويىز بيلەتتەرىن ساتاتىن جەكە اگەنتتىك كاسسالار جۇمىس ىستەيدى. ولاردىڭ كەيبىرى بيلەتكە كوميسسيا باعاسىن قوسىپ ساتادى»، - دەپ ءتۇسىندىردى «جولاۋشىلار تاسىمالى» ا ق باسپا ءسوز حاتشىسى ناريمان دۇيسەكەيەۆ.
