ەلىمىزدە توپىراقتى قورعاۋ جونىندەگى تالاپتار كۇشەيتىلەدى

استانا. KAZINFORM - پارلامەنت ءماجىلىسىنىڭ قاراۋىنا «توپىراقتى قورعاۋ تۋرالى» زاڭ جوباسى مەن ىلەسپە قۇجات ەنگىزىلدى.

Топырақтың құнарлы қабатын алып тастаған кәсіпорынға 22 миллион теңге айыппұл арқалады
Фото: gov.kz

- زاڭ جوبالارىن پارلامەنت دەپۋتاتتارى مەملەكەت باسشىسىنىڭ سەگىزىنشى سايلانعان پارلامەنتتىڭ ءبىرىنشى سەسسياسىنىڭ اشىلۋىندا بەرگەن تاپسىرماسىن ورىنداۋ بويىنشا ازىرلەدى. نەگىزگى زاڭ جوباسىنىڭ ماقساتى - توپىراقتى ءتيىمدى ساقتاۋدىڭ قۇقىقتىق نەگىزدەرىن قۇرۋ، توپىراقتىڭ قۇنارلىعىن ارتتىرۋ، جەردىڭ توزۋىن بولدىرماۋ، - دەدى ءماجىلىستىڭ اگرارلىق ماسەلەلەر كوميتەتىنىڭ ءتوراعاسى، دەپۋتات سەرىك ەگىزبايەۆ پالاتانىڭ جالپى وتىرىسىندا.

ونىڭ ايتۋىنشا، ىلەسپە زاڭ جوباسى قولدانىستاعى زاڭنامانى نەگىزگى زاڭ جوباسىنىڭ نورمالارىنا سايكەس كەلتىرۋ ماقساتىندا ازىرلەندى.

- ول «جەر كودەكسى» مەن «اگروونەركاسىپتىك كەشەندى جانە اۋىلدى اۋماقتاردى دامىتۋدى مەملەكەتتىك رەتتەۋ تۋرالى» زاڭعا جەردىڭ كاداسترلىق قۇنىن انىقتاۋدىڭ ناقتى تەتىكتەرىن بەلگىلەۋگە باعىتتالعان وزگەرىستەردى ەسكەرىپ وتىر. اتاپ ايتقاندا، «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق فۋنكتسيالارى بولىنەتىن بولادى. بۇل قوعام تەك ەلدى مەكەندەرگى جەردىڭ قۇنىن انىقتايدى. ال اۋىل شارۋاشىعىنا ارنالعان جەردىڭ قۇنىن انىقتاۋ گيپروزەم مەملەكەتتىك كاسىپورنىنا بەرىلمەك. سونداي-اق جەر پايدالانۋشىلاردىڭ توپىراقتى قورعاۋ جونىندەگى مىندەتتەرى ناقتىلانادى. ءماجىلىستىڭ اگرارلىق ماسەلەلەر كوميتەتى اتالعان زاڭ جوبالارى بويىنشا قورىتىندى ازىرلەۋگە دايىن، - دەدى دەپۋتات.

بۇعان دەيىن قازاق عالىمى توپىراقتى توزدىرمايتىن گەل جاساپ جاتقانىن جازعان ەدىك.

 

سوڭعى جاڭالىقتار