ەلىمىزدە تۋۋ تۋرالى كۋالىكتى ح ق ك و- عا بارماي-اق الۋعا بولادى
استانا. قازاقپارات - 2025-جىلى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ «Kaspi Bank» ا ق پوستاماتتارى ارقىلى ازاماتتارعا تۋۋ تۋرالى كۋالىكتى جەتكىزۋ بويىنشا پيلوتتىق جوبانى ىسكە قوسۋدى جوسپارلاپ وتىر.
ۇكىمەتتىڭ باسپا ءسوز قىزمەتى ءمالىم ەتكەندەي، بۇل ح ق ك و- عا بارماي-اق تۋۋ تۋرالى كۋالىك الۋعا مۇمكىندىك بەرەدى. اتاپ ايتقاندا، ا ح ا ت ورگاندارى بەرگەن ەلەكتروندى قۇجاتتار بويىنشا - تۋۋ، قايتىس بولۋ، نەكە قيۋ جانە نەكەنى بۇزۋ تۋرالى كۋالىكتەر مەن انىقتامالار بويىنشا ەلەكتروندىق اپوستيلدى قولدانۋدى دامىتۋ جوسپارلانىپ وتىر.
جاڭا وزگەرىستەر ازاماتتارعا اتالعان قۇجاتتاردى الۋعا جانە ولارعا ءبىر ءوتىنىش شەڭبەرىندە اپوستيل قويۋعا مۇمكىندىك بەرەدى. بۇل قىزمەتكە 2025-جىلدىڭ ءتورتىنشى توقسانىندا قول جەتكىزىلەتىن بولادى.
سونداي-اق زاڭ كومەگىن كورسەتۋ سالاسىندا ادىلەت مينيسترلىگى 2025-جىلى اتقارۋشىلىق جازبا جاساۋ جونىندەگى پيلوتتىق جوبانى ىسكە قوسۋدى جوسپارلاپ وتىر. ول «ءبىرىڭعاي نوتارياتتىق اقپاراتتىق جۇيە» اقپاراتتىق جۇيەسىنە تالاپتاردىڭ داۋسىز ەكەندىگى جانە بورىشتى تانۋ، بورىشكەردىڭ جەكە كابينەتى ارقىلى قارسىلىق بەرۋ تۋرالى راستايتىن قۇجاتتاردى سالۋدى، سونداي-اق نوتاريۋستىڭ بورىشكەردىڭ (جەكە نەمەسە زاڭدى تۇلعا) تىركەلگەن جەرى بويىنشا عانا اتقارۋشىلىق جازبا جاساۋىن كوزدەيدى.
بۇل باستامالار مەملەكەتتىك قىزمەتتەردى سيفرلاندىرۋ دەڭگەيىن ارتتىرۋعا، بيۋروكراتيالىق راسىمدەردى قىسقارتۋعا جانە ازاماتتارعا قىزمەت كورسەتۋ ساپاسىن جاقسارتۋعا باعىتتالعان.
ەلىمىزدە تۋۋ تۋرالى كۋالىكتى قورعاۋعا قويىلاتىن تالاپتار تولىقتىرىلعانىن جازعان بولاتىنبىز.
