ەلىمىزدە سۋعا ءتۇسىپ، كوز جۇمىپ جاتقان بالا سانى كۇرت كوبەيدى

استانا. KAZINFORM - قازاقستاندا سۋ ايدىندارىندا قازا تاپقانداردىڭ سانى كۇننەن-كۇنگە كوبەيىپ جاتىر. الايدا بالالار ءولىمىنىڭ كۇرت ءوسۋى ۇلكەن الاڭداۋشىلىق تۋدىرادى.

جازاتايىم وقيعالار دەمالىس كۇندەرى ءجيى كەزدەسەدى. قاۋىپسىزدىك ەرەجەلەرىن ەلەمەۋ، جابدىقتالماعان جەرلەردە شومىلۋ جانە بالالاردى نازاردان تىس قالدىرۋ كوبىنەسە قايعىلى جاعدايعا اكەلىپ جاتىر. ماسەلەن، شومىلۋ ماۋسىمى باستالعاننان بەرى 85 ادام، ونىڭ ىشىندە 35 بالا سۋعا باتىپ كەتتى.

«ت ج م قازاقستاندىقتاردى سۋداعى قاۋىپسىزدىك ەرەجەلەرىن ساقتاۋعا شاقىرادى. تىيىم سالىنعان جەرلەردە شومىلۋ ومىرگە قاۋىپ ءتوندىرىپ قانا قويماي، ايىپپۇل تۇرىندە اكىمشىلىك جاۋاپكەرشىلىككە اكەلەدى. تەك اكىمشىلىك قۇقىق بۇزۋشىلىق تۋرالى كودەكستىڭ 412-بابى بويىنشا 721 قازاقستاندىققا 18 ميلليون تەڭگەدەن استام سوماعا ايىپپۇل سالىندى»، - دەلىنگەن توتەنشە جاعدايلار مينيسترلىگى حابارلاماسىندا.

مينيسترلىكتىڭ حالىقتى قورعاۋ بويىنشا قابىلداعان شارالارى ءوز تيىمدىلىگىن كورسەتىپ جاتىر. وعان دالەل، 45 كۇننىڭ ىشىندە قۇتقارۋشىلار 153 ادامنىڭ، ونىڭ ىشىندە 38 بالانىڭ قازا بولۋىنا جول بەرمەدى.

اۆتور
ەلميرا ورالبايەۆا