ەلىمىزدە قاي مەملەكەتتەردەن كەلگەن ەڭبەك يمميگرانتتارى كوپ

استانا. KAZINFORM -ۇكىمەت شەتەلدىك جۇمىس كۇشى كۆوتالارىن قىسقارتۋ بويىنشا جۇيەلى ءجۇمىس ىستەپ جاتىر. بۇل تۋرالى سەنات دەپۋتاتتارىنىڭ ساۋالىنا پرەمەر- ءمينيستردىڭ ورىنباسارى تامارا دۇيسەنوۆانىڭ جاۋابىندا ايتىلعان.

«ىشكى ەڭبەك نارىعىن قورعاۋ ماقساتىندا ەڭبەك ميگرانتتارىن تارتۋعا كۆوتانى قىسقارتۋ بويىنشا جوسپارلى جۇمىس جۇرگىزىلىپ جاتىر. 2024 -جىلعا كۆوتا زاڭدى تۇلعالار ءۇشىن 22 مىڭ بىرلىك (2016 -جىلدان باستاپ 2,8 ەسەگە قىسقارتىلدى)، جەكە تۇلعالار ءۇشىن 271,3 مىڭ (1,5 ەسەگە) قۇرادى. كەزەڭ-كەزەڭمەن قىسقارتۋ ناتيجەسىندە 2029 -جىلعا قاراي جيىنتىق كۆوتا 46 مىڭ بىرلىك بولادى»، - دەدى ۆيتسە- پرەمەر.

ۇكىمەت باسشىسى ورىنباسارىنىڭ جاۋابىنا بەرىلگەن انىقتاماعا سايكەس، وسى جىلدىڭ 1-مامىرىندا ەلىمىزدە جەكە تۇلعالاردان 130,5 مىڭ ەڭبەك يمميگرانتى ەڭبەك ەتەدى. ونىڭ ىشىندە وزبەكستاننان 125150 ادام، تاجىكستاننان 4353، ءازىربايجاننان 967) ادام. زاڭدى تۇلعالاردان 13,7 مىڭ ادام. بۇل رەتتە بۇرىن بەرىلگەن قولدانىستاعى رۇقسات ەسكەرىلگەن. ال 2024 -جىلدىڭ باسىنان 5,4 مىڭ رۇقسات بەرىلدى.

«شەتەلدىك جۇمىس كۇشى كۆوتالاردى قىسقارتۋ بويىنشا جۇمىس جۇيەلى نەگىزدە جالعاسىپ جاتىر»، - دەدى تامارا دۇيسەنوۆا.