ەلىمىزدە قالاارالىق تاكسي جۇرگىزۋشىلەرىنە تالاپ كۇشەيەدى

ءوڭىرارالىق جولاۋشىلاردى تاسىمالدايتىن يندرايۆەر، ياندەكس تاكسي قىزمەتىنە تالاپتى قاتاڭداتۋ قارالىپ جاتىر، دەپ حابارلايدى قازاقپارات ءتىلشىسى.

ҚР ІІМ
Фото: Фото: ҚазАқпарат

«جول قاۋىپسىزدىگىن قامتۋداعى تاعى ءبىر پروبلەما - جولاۋشىلاردى زاڭسىز تاسىمالداۋشىلار (يندرايۆەر، ياندەكس تاكسي قىزمەتى). تاكسيستەر پايدا تابۋ ءۇشىن توقتاۋسىز، ۇيقىسىز جانە دەمالىسسىز قالالار اراسىندا قاتىنايدى. جول قاۋىپسىزدىگى ءۇشىن بۇل - قاۋىپتى. كەيبىر كولىكتەر توزعان، ۇزاق جولعا شىدامايدى. تاكسي جۇرگىزۋشىلەرى ادامداردى تاسىمالداۋدا جول ەرەجەلەرى تالاپتارىن ورىندامايدى»، - دەدى ىشكى ىستەر ءبىرىنشى ۆيتسە- ءمينيسترى مارات قوجايەۆ ۇكىمەت وتىرىسىندا.

وسى ورايدا مينيسترلىك زاڭسىز تاسىمالدايتىن قالاارالىق تاكسي جۇرگىزۋشىلەرىنە تالاپتى كۇشەيتپەك.

«جولعا شىعار الدىندا مەديتسينالىق جانە كۇندەلىكتى اۆتوكولىكتى تەكسەرۋ، جىلىنا 2 رەت - تەحنيكالىق بايقاۋدان ءوتۋ، سونداي- اق جۇرگىزۋشىنىڭ رولدە 8 ساعاتتان ارتىق وتىرماۋىن قاراستىرۋ كەرەك»، - دەيدى ول.

اۆتور

داۋلەت ىزتىلەۋ

سوڭعى جاڭالىقتار