ەلىمىزدە ەنگىزىلگەن قانداي ەكولوگيالىق ستارتاپ جوبالار بار

استانا. KAZINFORM - بۇگىن ەلوردادا قورشاعان ورتانى قورعاۋ، ساقتاۋعا باعىتتالعان ۇزدىك ەكولوگيالىق ستارتاپ جوبالار تانىستىرىلدى.

- بۇگىن ەكولوگيالىق ۇزدىك بەس ستارتاپتى انىقتايمىز. ءار ستارتاپقا 3 ميلليون تەڭگە كولەمىندە سىياقى بەرىلەدى. ستارتاپ جوبالار جەتى باعىتتى قامتيدى، ول سۋدى باسقارۋ جانە ۇنەمدەۋ، ەنەرگيانى ۇنەمدەۋ جانە ءتيىمدى قولدانۋ، قالدىقتاردى قايتا وڭدەۋ، جاسىل كولىك، ەكولوگيالىق قۇرىلىس ماتەريالدارى تاعى باسقا. 2023-2024-جىلدارى كونكۋرسقا 200 دەن استام ستارتاپ جوبا ءتۇستى، ونىڭ ىشىندە 50 جوبانى تاڭداپ الدىق. قازىر ىسكە اسىپ جاتقان بىرنەشە ستارتاپ بار، سونىڭ ءبىرى حلورەللا ارقىلى سۋدى تازالاۋ، بۇل جوبا ەلىمىزدىڭ بىرنەشە وڭىرىندە ەنگىزىلگەن، - دەدى ەكولوگيا جانە تابيعي رەسۋرستار مينيسترلىگى حالىقارالىق جاسىل تەحنولوگيالار جانە ينۆەستيتسيالىق جوبالار ۇيىمىنىڭ باسشىسى ديدار قارىمساقوۆ.

سونداي-اق ەلوردادا وتكەن GCIP Kazakhstan 2024 ۇلتتىق فورۋمى بارىسىندا ەكولوگيا مينيسترلىگىنىڭ وكىلى ەسكى كيىمنىڭ ماتاسىنان جاڭا كيىم شىعارۋعا ارنالعان ستارتاپ تۋرالى ايتتى.

بۇعان دەيىن الەم ەلدەرىندە تابىسقا جەتكەن وتاندىق ستارتاپ جوبالاردى ءتىزىپ شىققان ەدىك.