ەلىمىزدە كوبىنە بانكروت بولعان ادامداردىڭ ورتاشا جاسى نەشەدە

استانا. KAZINFORM – ق ر قارجى مينيسترلىگى مەملەكەتتىك كىرىستەر كوميتەتى كوبىنە بانكروت رەتىندە تانىلىپ جاتقان ادامداردىڭ «پورترەتىن» جاسادى.

مەملەكەتتىك كىرىستەر كوميتەتى باسقارماسىنىڭ باسشىسى مەرۋەرت سيسەمبايەۆانىڭ ايتۋىنشا، بانكروتتىق راسىمدەرىنە 18 جاستان 92 جاسقا دەيىنگى ءارتۇرلى جاستاعى ادامدار جۇگىنىپ جاتىر.

«نەگىزىنەن 40-42 جاس ارالىعىنداعى ەر ادامدار ءوتىنىش بەرگەن. بۇل - بانكروتتىڭ ورتاشا جاسى. اتاپ ايتقاندا، نەگىزگى بانكروتتاردىڭ 50 پايىزى 5 جىلدان استام قارىزىن وتەمەگەن ادامدار. بۇل ءوز كەزەگىندە ولاردىڭ ءبىرازدان بەرى نەسيەلەرى بويىنشا قيىندىقتارعا تاپ بولعانىن بىلدىرەدى. قازىرگى كەزدە 5 جىلدان استام قارىزىن وتەمەگەن 7295 ادام بانكروت دەپ تانىلدى»، - دەدى م. سيسەمبايەۆا.

ەسكە سالساق، 2023-جىلى 3-ناۋرىزدان بانكروتتىققا ءوتىنىم قابىلداۋ باستالادى.

سودان بەرى 19-تامىزداعى جاعداي بويىنشا سوتتان تىس بانكروت راسىمىنە 109 مىڭ 696 ادام ءوتىنىش بەردى. 35 ميلليارد تەگەدەن استام سوماعا 15,1 مىڭ ادام بانكروت دەپ تانىلدى.