ەلىمىزدە كەدەيلىك كورسەتكىشى ازايدى

استانا. KAZINFORM - وتكەن جىلى ەلىمىزدە كۇنكورىس مينيمۋمىنان تومەن تابىسى بار 167 مىڭ وتباسى تىركەلدى، بۇل 2023-جىلمەن سالىستىرعاندا 2,9 پايىز ەسە از. اتالعان وتباسىلاردا 968,8 مىڭ ادام ءومىر سۇرگەن، بۇل دا وتكەن جىلمەن سالىستىرعاندا پايىز4,3 عا تومەن. بۇل تۋرالى Finprom.kz رەسۋرسى حابارلايدى.

وڭىرلەرگە كەلسەك، كۇنكورىس دەڭگەيىنەن تومەن تابىسى بار وتباسىلاردىڭ دەنى تۇركىستان وبلىسىندا تىركەلگەن، ياعني 22,9 مىڭ. ودان كەيىن الماتى، شىمكەنت، سونداي-اق ماڭعىستاۋ جانە جامبىل وبلىستارى ورنالاسقان. ال ەڭ از كورسەتكىش ۇلىتاۋ وبلىسىندا تىركەلدى (2,1 مىڭ).

تابىسى كۇنكورىس مينيمۋمىنان تومەن وتباسىندا تۇراتىن حالىق سانىنا كەلسەك، تۇركىستان وبلىسىندا - 180 مىڭ ادام، الماتىدا - 80,9 مىڭ، شىمكەنتتە - 68,9 مىڭ، جامبىل وبلىسىندا - 66,7 مىڭ، ماڭعىستاۋ وبلىسىندا - 63,5 مىڭ ادام. ەڭ تومەنگى كورسەتكىش ۇلىتاۋ وبلىسىندا تىركەلدى - 13,3 مىڭ ادام.

كۇنكورىس مينيمۋمىنان تومەن تابىسى بار ادامداردىڭ كوبى بەس جانە ودان دا كوپ ادامنان تۇراتىن وتباسىلاردا ءومىر سۇرەدى، ياعني 825,8 مىڭ ادام. ءتورت ادامنان تۇراتىن وتباسىدا - 92,4 مىڭ ادام، ءۇش ادام بار وتباسى - 36,6 مىڭ، ەكى ادام بار وتباسىدا - 12,9 مىڭ، جالعىز وتباسىندا 1,2 مىڭ قازاقستاندىق بار.

بىلتىر 167 مىڭ وتباسىنىڭ ىشىنەن 4,2 مىڭىنىڭ تابىسى ازىق-تۇلىك سەبەتىنىڭ قۇنىنان دا تومەن بولعان، بۇل كورسەتكىش ءبىر جىلدا 25,5 پايىزعا ازايعان. بۇل وتباسىلاردا 28,3 مىڭ ادام تۇرعان، بۇل 2023-جىلدىڭ ءتورتىنشى توقسانىمەن سالىستىرعاندا 16,9 پايىزعا از.

ازىق-تۇلىك سەبەتىنىڭ قۇنىنان تومەن تابىسى بار وتباسىندا قازاقستاننىڭ 20 ءوڭىرىنىڭ تەك 6 ىندا عانا تىركەلگەن. اتاپ ايتقاندا، شىمكەنتتە - 1,5 مىڭ، ش ق و-دا - 821، تۇركىستان وبلىسىندا - 765، الماتى وبلىسىندا - 609، جامبىل وبلىسىندا - 473 جانە ۇلىتاۋ وبلىسىندا - 54 وتباسى. حالىق سانىنا كەلسەك، شىمكەنتتە - 9,7 مىڭ ادام، تۇركىستان مەن الماتى وبلىسىندا - ءارقايسىسىندا 6,1 مىڭ ادام، ش ق و-دا - 3,2 مىڭ، جامبىلدا - 2,8 مىڭ، ۇلىتاۋدا - 380 ادام.

ازىق-تۇلىك سەبەتىنەن تومەن تابىسى بار وتباسىلار قۇرامىنا قاراي، 27,5 مىڭ ادام بەس جانە ودان دا كوپ ادامنان تۇراتىن وتباسىلاردا تۇرادى، ال 853 قازاقستاندىق - ەكى ادامنان تۇراتىن وتباسىندا ءومىر سۇرەدى.

كۇنكورىسى مينيمۋمنان تومەن حالىقتىڭ ۇلەسى 4,8 پايىزدى، ال ازىق-تۇلىك سەبەتىنىڭ قۇنىنان تومەن تابىسى بارلار - 0,1 پايىزدى قۇرادى.

كۇنكورىس مينيمۋمىنان تومەن تابىسى بار حالىقتىڭ ەڭ ۇلكەن ۇلەسى تۇركىستان (8,4 پايىز)، ماڭعىستاۋ (7,9 پايىز) جانە اباي (7,6 پايىز) وبلىستارىندا تىركەلگەن. ەڭ تومەن ۇلەس استانادا (2,1 پايىز)، سونداي-اق قاراعاندى (2,4 پايىز) جانە اتىراۋ (3 پايىز) وبلىستارىندا بايقالدى.

ازىق-تۇلىك سەبەتىنىڭ قۇنىنان تومەن تابىسى بار كەدەي قازاقستاندىقتاردىڭ ەڭ جوعارى ۇلەسى شىمكەنتتە - 0,8 پايىز.

2024-جىلدىڭ ءتورتىنشى توقسانىندا كۇنكورىس مينيمۋمى 51,7 مىڭ تەڭگەنى قۇرادى، ال تۇتىنۋعا پايدالانىلعان ورتاشا تابىس - 104,6 مىڭ تەڭگە. تۇتىنۋعا پايدالانىلعان تابىستىڭ كۇنكورىس مينيمۋمى دەڭگەيىنە قاتىناسى - 202,2 پايىز.

وڭىرلەر اراسىندا ەڭ جوعارى كورسەتكىش قاراعاندى وبلىسىندا تىركەلدى: 272,4 پايىز. ودان كەيىن الماتى (268 پايىز)، استانا (257,2 پايىز)، سونداي-اق سولتۇستىك قازاقستان (238,1 پايىز) جانە پاۆلودار (233,7 پايىز) وبلىستارى. ەڭ تومەنگى كورسەتكىشتەر ماڭعىستاۋ (134,8 پايىز)، تۇركىستان (142,7 پايىز) وبلىستارىندا جانە شىمكەنتتە (150,7 پايىز) تىركەلدى.

ايتا كەتسەك، بيىلدان باستاپ ەلىمىزدە كەدەيلىك شەگى حالىقتىڭ مەدياندىق كىرىسىنەن ايقىندالادى.