ەلىمىزدە «عىلىم اپتالىعى» اياسىندا 100 دەن استام ءىس-شارا وتەدى

استانا. قازاقپارات - 12-ءساۋىر - ەلىمىزدە ماڭىزدى كۇن - «عىلىم قىزمەتكەرلەرى كۇنى» اتالىپ وتەدى. بۇل تۋرالى قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ باسپا ءسوز قىزمەتى حابارلادى.

وسىعان وراي عىلىم جانە جوعارى ءبىلىم مينيسترلىگى جىل سايىن وتاندىق عىلىم مەن ءبىلىمنىڭ جەتىستىكتەرىنە نازار اۋدارتۋعا باعىتتالعان ءداستۇرلى «عىلىم اپتالىعى» اياسىندا اۋقىمدى ءىس-شارالار باعدارلاماسىن ۇيىمداستىرادى.

«عىلىم اپتالىعى» اياسىندا ەلىمىزدە 100 دەن استام ءىس-شارا وتەدى. ولاردىڭ ىشىندە دارىستەر، كونفەرەنسيالار مەن كورمەلەر بار. بۇل ءىس-شارالار جاڭا زەرتتەۋلەرمەن قاتار عالىمدارىمىزدىڭ ەڭبەكتەرىمەن جاقىنىراق تانىسۋعا مۇمكىندىك بەرەدى.

اپتا اياسىنداعى نەگىزگى ءىس- شارالار:

7-ءساۋىر - Abai University-دە ء«بىلىم بەرۋدەگى VR/AR تەحنولوگياسى» عىلىمي زەرتحاناسىنىڭ سالتاناتتى اشىلۋى
7-ءساۋىر - د. سەرىكبايەۆ اتىنداعى ش ق ت ۋ-دا «EKTU SCIENCE WEEK» باعدارلاماسىنىڭ تۇساۋكەسەرى
10-ءساۋىر - ق ر پرەزيدەنتى جانىنداعى ۇلتتىق عىلىم اكادەمياسىندا عىلىم قىزمەتكەرلەرى كۇنىنە ارنالعان سالتاناتتى ءىس-شارا
10-ءساۋىر - ل. گۋميلەۆ اتىنداعى ە ۇ ۋ-دا «جاس عالىم» فورۋمى
11-ءساۋىر - «قازاقستاننىڭ مادەني مۇراسى: ارحەولوگيا مەن قوعامدىق عىلىمداردىڭ ءوزارا ءىس-قيمىلى» تاقىرىبىندا دوڭگەلەك ۇستەل
12-ءساۋىر - ق. ساتبايەۆ ەسكەرتكىشىنە گۇل شوقتارىن قويۋ
12-ءساۋىر - وزىق فۋنكتسيونالدىق ماتەريالدار مەن ولاردىڭ كومپوزيتتەرىنىڭ حالىقارالىق عىلىمي-زەرتتەۋ ورتالىعىنىڭ سالتاناتتى اشىلۋى
12-ءساۋىر - «ينجەنەرلىك جانە وندىرىستىك جۇيەلەردەگى جاساندى ينتەللەكت: پروتسەستەردى وڭتايلاندىرۋ جانە اۆتوماتتاندىرۋ شەشىمدەرى» حالىقارالىق كونفەرەنسياسى.

ايتا كەتەلىك «Farabi hub» - عىلىمدى وندىرىسكە ەنگىزۋدى جەدەلدەتەدى.