ەلىمىزدە ءتۇرلى دامدەۋىشتىڭ باعاسى قانشا
ەلىمىزدەگى وڭىرلەردە تۇز بەن ءتۇرلى دامدەۋىش باعاسى ءارتۇرلى. قاي قالادا ارزان ەكەنىن Kazinform اگەنتتىگىنىڭ شولۋ ماقالاسىنان وقي الاسىزدار.
دامداۋىشتەر باعاسى كەي وڭىردە بىرنەشە ەسە قىمبات. وعان لوگيستيكا، سۇرانىس پەن تاۋاردىڭ ءوتىمى اسەر ەتەدى. نەگىزىنەن ءبىر كەلى تۇز، كەپتىرىلگەن لاۆر جاپىراعى، پاپريكا جانە دارشىن، رايحان، قىزىل جانە قارا بۇرىش باعاسىن سالىستىردىق.
وڭتۇستىك وڭىرلەر
قازاقستاننىڭ وڭتۇستىك وڭىرلەرىندە دامدەۋىشتىڭ باعاسى قولجەتىمدى. مۇندا باعا وزگەلەرگە قاراعاندا 2-3 ەسە ارزان. ماسەلەن تۇزدىڭ كەلىسى شىمكەنتتە 67 تەڭگە تۇرادى. ورتاشا باعا - 90-100 تەڭگە.
سالماعى 100 گرام قارا بۇرىش باعاسى 260-565 تەڭگە ارالىعىندا بولسا، قىزىل بۇرىش 360-1800 تەڭگە (باعا وندىرۋشىگە جانە قانداي قىزىل بۇرىش ەكەنىنە بايلانىستى وزگەرىپ تۇرادى) بولىپ تۇر. ال سالماعى 30 گرام بولاتىن لاۆر جاپىراعى 350 تەڭگە، 10-50 گرامدىعى 105-540 تەڭگە بولىپ تۇر.
10 گرامدىق پاپريكا باعاسى - 65-72 تەڭگە (الماتىدا باعا 295 تەڭگە)، 7 گرامدىق رايحاننىڭ باعاسى - 42-80 تەڭگە. 10-20 گرام بولاتىن دارشىن باعاسى - 85-160 تەڭگە.
ەلىمىزدىڭ وڭتۇستىك ءوڭىرى كوتەرمە ساۋدا جاساۋعا ىڭعايلى بولىپ تۇر.
ورتالىق وڭىرلەر
ەلىمىزدىڭ ورتالىعىندا دا باعا قولجەتىمدى. مۇنداعى دۇكەن سورەلەرىندە دامدەۋىش ءتۇرى وتە كوپ. ورتا ەسەپپەن تۇزدىڭ كەلىسىن 65-110 تەڭگەگە ساتىپ الۋعا بولادى. سونىمەن بىرگە 340-420 تەڭگەدەن ء(تۇرلى ءدامداۋىش قوسىلعانى بار) دە ساتىلادى.
قارا بۇرىشتىڭ 100 گرامى كەي جەردە 1665 تەڭگە (استاناداعى دۇكەننەن 365-570 تەڭگەگە ساتىپ الۋعا بولادى) بولىپ تۇر. قىزىل بۇرىشتىڭ 100 گرامى شامامەن 385-760 تەڭگە تۇرادى. سالماعى 30 گر بولاتىن كەپتىرىلگەن لاۆر جاپىراعى 870-1005 تەڭگە.
10 گرامدىق پاپريكانىڭ باعاسى - 85-130 تەڭگە. ال 7 گرامدىق رايحاننىڭ باعاسى 200-360 تەڭگە (قاراعاندىدا كەي جەردە 150 تەڭگە)، ال 10 گرامدىق ۇنتاقتالعان دارشىن 175 تەڭگە تۇرادى.
سولتۇستىك وڭىرلەر
ەلىمىزدىڭ سولتۇستىگىندە باعا ءارقيلى. پاۆلودار مەن قوستانايدا باعا جوعارى بولسا، پەتروپاۆل مەن كوكشەتاۋدا باعا تومەن.
ءبىر كەلى تۇز باعاسى ورتا ەسەپپەن 82-125 تەڭگە (پاۆلوداردا تۇزدىڭ كەلىسىن كەي دۇكەن 237 تەڭگەگە ساتادى) تۇرادى. 100 گرام قارا بۇرىش باعاسى 520 تەڭگەدەن باستالىپ، 2180 تەڭگەگە دەيىن (بۇرىشتىڭ بۇل ءتۇرى كوكشەتاۋدا ساتىلادى) جەتەدى. ال قىزىل بۇرىشتىڭ 30 گرامى 676 تەڭگەگە ساتىلىپ جاتىر.
10 گرامدىق پاپريكانى 109-118 تەڭگەگە (پاۆلوداردا ءدامداۋىشتىڭ بۇل ءتۇرى 154-300 تەڭگە تۇرادى) 7 گرامدىق رايحاندى 70-106 تەڭگەگە ساتىپ الۋعا بولادى. ال 10 گرامدىق دارشىن 75-200 تەڭگە (كوكشەتاۋدا 15 گر بولاتىن دارشىن باعاسى 448 تەڭگە) تۇرادى.
باتىس وڭىرلەر
ەلىمىزدىڭ باتىسىنداعى وڭىرلەردە ءدامداۋىشتىڭ باعاسى بىركەلدى. باعا ەلىمىزدىڭ وڭتۇستىگىنە شامالاس.
تۇزدىڭ كەلىسى مۇندا 80-100 تەڭگە تۇرادى. قارا بۇرىش 250-2100، قىزىل بۇرىش 165-1890 تەڭگەدەن ساتىلادى. ال لاۆر جاپىراعىنىڭ 30 گرامى - 525 تەڭگە.
سالماعى 10 گرام بولاتىن پاپريكا 136-150, 7 گرامدىق رايحان 50-70، 10 گرامدىق دارشىن 80-190 تەڭگەگە ساتىلىپ جاتىر.
شىعىس وڭىرلەر
ەلىمىزدىڭ شىعىسىندا دا باعا وزگەلەرگە ۇقساس. كەيبىر دامدەۋىش باعاسى تومەن. قازىرگى كەزدە 1 كەلى تۇز 60-115 تەڭگەگە ساتىلىپ جاتىر. ال 100 گرامدىق قارا بۇرىش 690-1985، قىزىل بۇرىش 465 تەڭگە تۇرادى.
لاۆر جاپىراعىنىڭ 30 گرامى 740-790 تەڭگە ارالىعىندا ساتىلىپ جاتىر. وسكەمەن مەن سەمەيدە 10 گرامدىق پاپريكا باعاسى 226-270 تەڭگە، 7 گرامدىق رايحان 85 تەڭگە، ال كوفە مەن كونديتەرلىك ونىمدەردىڭ ءدامىن كەلتىرەتىن دارشىن باعاسى 83-125 تەڭگە تۇرادى.
