ەلىمىزدە ءدارى- دارمەكتىڭ باعاسى 30 پايىزعا ارزاندايدى
استانا. KAZINFORM - قازاقستاندا ءدارى-دارمەكتىڭ باعاسى 30 پايىزعا ارزاندايدى. بۇل تۋرالى ق ر دەنساۋلىق ساقتاۋ ۆيتسە-ءمينيسترى ەرجان نۇرلىبايەۆ ايتتى.
- بىلتىر بىزگە ايتىلعان سىنداردان كەيىن باعانىڭ قالىپتاسۋ مودەلىن وزگەرتەتىنىمىزدى حابارلادىق. مينيسترلىك اۋقىمدى جۇمىس جۇرگىزىپ، بۇل مودەلدى وزگەرتتى. ءدارى-دارمەككە قوسىلاتىن ءبىرقاتار قوسىمشا قۇن الىنىپ تاستالدى. ءبىز ماركەتينگكە، كەدەنگە، كولىككە جۇمسالاتىن شىعىندى باعاعا قوسۋدى ءجونسىز دەپ تاپتىق، - دەدى ول وكق الاڭىندا.
ونىڭ ايتۋىنشا، وسىنىڭ ارقاسىندا ءدارى-دارمەكتەردىڭ باعاسى ايتارلىقتاي ارزانداۋى ءتيىس.
- بۇگىنگى كۇنى ءبىر عانا ۇستەمە باعا قالدىرىلدى، ول ءوندىرۋشى زاۋىت بەلگىلەگەن قۇنعا قوسىلادى. اتالعان مودەل قازىردىڭ وزىندە سىناقتان ءوتىپ ۇلگەردى، سوندىقتان 1- شىلدەگە دەيىن قازاقستان اۋماعىندا تىركەلگەن بارلىق دارىلىك زاتتارعا قايتا ەسەپتەۋ جۇرگىزىلەدى. قازىر فارماتسيەۆتيكالىق قاۋىمداستىقپەن بەلسەندى جۇمىس جۇرگىزىلىپ جاتىر. ءبىز بۇل مودەل بويىنشا مىندەتتى الەۋمەتتىك مەديتسينالىق ساقتاندىرۋ (م ءا م س) مەن تەگىن مەديتسينالىق كومەكتىڭ كەپىلدەندىرىلگەن كولەمى (ت م ك ك ك) شەڭبەرىندەگى دارىلەردىڭ باعاسى شامامەن %19 عا، ال كوتەرمە-بولشەك ساۋدا سالاسىندا شامامەن %30 عا تومەندەيدى دەپ بولجاپ وتىرمىز، - دەدى ۆيتسە-مينيستر.
ايتا كەتەيىك، بۇعان دەين ەل ازاماتتارى تەگىن الاتىن دارىلەر تىزبەگى كەڭەيتىلگەنىن جازعان ەدىك.
