ەلىمىزدە ازاماتتىعى جوق قانشا ادام بار
استانا. KAZINFORM - قازاقستان رەسپۋبليكاسىنىڭ ازاماتى بولىپ تابىلمايتىن جانە وزگە مەملەكەتتىڭ ازاماتتىعىنا جاتاتىنىن دالەلدەي المايتىن ادامدار ازاماتتىعى جوق ادامدار دەپ تانىلادى.
«قازاقستان رەسپۋبليكاسىنىڭ ازاماتتىعى تۋرالى» زاڭعا سايكەس ازاماتتىقتان ايىرۋ تەك ەرەكشە جاعدايلاردا قاراستىرىلعان.
- تەرروريستىك قىلمىستاردى، سونداي-اق قازاقستان رەسپۋبليكاسىنىڭ ومىرلىك ماڭىزى بار مۇددەلەرىنە وزگە دە اۋىر زيان كەلتىرگەن قىلمىستاردى جاساعانى ءۇشىن عانا سوتتىڭ شەشىمىمەن ازاماتتىقتان ايىرۋعا جول بەرىلەدى، - دەپ كورسەتىلگەن اتالعان زاڭدا.
سونىمەن قاتار وسى زاڭنامانىڭ 14-بابىنا سايكەس ازاماتتىقتان ايىرىلعان تۇلعالار ازاماتتىعى جوق ادام مارتەبەسىن الىپ، ءتيىستى كۋالىك راسىمدەي الادى. ەل اۋماعىندا تۇراقتى تۇراتىن ازاماتتىعى جوق ادامداردىڭ قازاقستاندا تۋعان بالالارى ەلىمىزدىڭ ازاماتى بولىپ تانىلادى.
قازاقستاندا بۇگىنگى تاڭدا ازاماتتىعى جوق شامامەن 7 مىڭ ادام تىركەلگەن.
- قازىرگى ۋاقىتتا ەلىمىزدە ازاماتتىعى جوق 7 مىڭعا جۋىق ادام ەسەپتە تۇر، - دەپ جاۋاپ بەردى ءى ءى م Kazinform اگەنتتىگىنىڭ ساۋالىنا.
كونستيتۋتسيا مەن زاڭدارعا سايكەس، ەگەر وزگەشە كوزدەلمەسە، ازاماتتىعى جوق ادامدار قازاقستان ازاماتتارىمەن تەڭ دارەجەدە قۇقىقتار مەن بوستاندىقتاردى پايدالانادى.
ەسكە سالا كەتەيىك، قازاقستاننىڭ جاڭا كونستيتۋتسيا جوباسىندا ازاماتتىق ماسەلەسىنە قاتىستى تالاپتار كۇشەيتىلدى. ەندى «باسقا ەلدىڭ ازاماتتىعى تانىلمايدى» دەگەن بۇلىڭعىر ۇعىمنىڭ ورنىنا، «تىيىم سالىنادى» دەگەن قاتاڭ نورما كەلەدى.
سونىمەن قاتار بىلتىر قازاقستانداعى حالىق سانى 195480 ادامعا وسكەن.
بۇگىنگىدەي ساناق، بازا، سيفر جوق زاماندا قازاقتار حالىق سانىن قالاي بىلگەن؟ كوشپەلى قوعامدا «ستاتيستيكا» دەگەن ۇعىم بولماعانىمەن، ەل ءوز سانىن شامالاپ بولسا دا ەسەپتەي العان. بۇل جۇيە قالاي جۇمىس ىستەگەنىن جازعان بولاتىنبىز.
