ەلىمىزدە اپتا ىشىندە بولعان كادرلىق تاعايىنداۋلار
ەلىمىزدە اپتا ىشىندە بولعان كادرلىق تاعايىنداۋلار
استانا. KAZINFORM - وسى اپتادا ەلىمىزدە ءبىرقاتار كادرلىق اۋىس-ءتۇيىس بولدى.
اتاپ ايتقاندا، مەملەكەت باسشىسىنىڭ وكىمىمەن قاناتاي جورابەك ۇلى دالماتوۆ قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى لاۋازىمىنا تاعايىندالدى.
***
ق ر ۇكىمەتىنىڭ قاۋلىسىمەن كەگەن احمەت ۇلى تۇرسىنبايەۆ توتەنشە جاعدايلار ۆيتسە-ءمينيسترى قىزمەتىنە تاعايىندالدى.
ول 1971-جىلى شىعىس قازاقستان وبلىسىندا دۇنيەگە كەلگەن. لەنين كومسومولى اتىنداعى ەكى مارتە قىزىل تۋلى ريازان جوعارى اۋە دەسانتتىق كوماندالىق ۋچيليشەسىن، ل. ن. گۋميليەۆ اتىنداعى ەۋرازيا مەملەكەتتىك ۋنيۆەرسيتەتىن، رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.
ءار جىلدارى ق ر رەسپۋبليكالىق ۇلانى، قر ۇلتتىق قاۋىپسىزدىك كوميتەتىنىڭ شەكارا قىزمەتى قاتارىندا قىزمەت ەتكەن.
2020-2021-جىلدارى شىعىس قازاقستان وبلىسى بويىنشا تۇتىنۋشىلاردىڭ قۇقىقتارىن قورعاۋ كوميتەتى دەپارتامەنتىنىڭ باسشىسى بولىپ جۇمىس ىستەدى. 2021-2022-جىلدارى – ق ر پرەزيدەنتى ءىس باسقارماسىنىڭ ءبولىم باستىعى. 2022-2024-جىلدارى ق ر ىشكى ىستەر مينيسترلىگىنىڭ قۇرىلىمىندا باسشىلىق قىزمەتتەر اتقاردى. 2024-جىلعى ساۋىردەن باستاپ قازىرگى ۋاقىتقا دەيىن – ق ر ت ج م ازاماتتىق قورعانىس جانە اسكەري بولىمدەر كوميتەتىنىڭ ءتوراعاسى.
***
كولىك ءمينيسترىنىڭ بۇيرىعىمەن جانىبەك جۇما ۇلى تايجانوۆ كولىك مينيسترلىگى تەمىرجول جانە سۋ كولىگى كوميتەتىنىڭ ءتوراعاسى قىزمەتىنە تاعايىندالدى.
ول 1982-جىلى اقمولا وبلىسىندا دۇنيەگە كەلگەن. ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، قازاق قاتىناس جولدارى ۋنيۆەرسيتەتىن، ازاماتتىق اۆياتسيا اكادەمياسىن بىتىرگەن.
ەڭبەك جولىن 2003-جىلى باستاعان، ۇزاق جىلدار بويى «قازاقستان تەمىر جولى» ۇ ك فيليالدارىندا جۇمىس ىستەدى. 2014-2019-جىلدارى – ق ر ينۆەستيتسيالار جانە دامۋ مينيسترلىگى، يندۋستريا جانە ينفراقۇرىلىمدىق دامۋ مينيسترلىگى دەپارتامەنتى ديرەكتورى.
2019-2022-جىلدارى – ق ر ي ي د م كولىك كوميتەتى ءتوراعاسىنىڭ ورىنباسارى. 2022-جىلدىڭ ناۋرىز ايىنان باستاپ قازىرگى ۋاقىتقا دەيىن - «قازاقستان تەمىر جولى» ۇ ك «جولاۋشىلار تاسىمالى» ا ق باسقارما ءتوراعاسى - باس ديرەكتورى.
***
قىدىربەردى ءاندىر ۇلى بەكوۆ قر ەكولوگيا جانە تابيعي رەسۋرستار مينيسترلىگى اپپاراتىنىڭ باسشىسى قىزمەتىنە تاعايىندالدى.
ول 1977-جىلى دۇنيەگە كەلگەن. قورقىت اتا اتىنداعى قىزىلوردا مەملەكەتتىك ۋنيۆەرسيتەتىن، ش. ەسەنوۆ اتىنداعى كاسپيي تەحنولوگيالار جانە ينجينيرينگ ۋنيۆەرسيتەتىن بىتىرگەن. ەڭبەك جولىن 2001-جىلى ماڭعىستاۋ وبلىستىق جەرگە ورنالاستىرۋ بولىمىندە ينجەنەر- جەرگە ورنالاستىرۋشى بولىپ باستاعان. 2004-2010-جىلدارى ماڭعىستاۋ وبلىسى اكىمىنىڭ اپپاراتى جەر رەسۋرستارى باسقارماسىندا جەرگە ورنالاستىرۋ بويىنشا باس مامان، ءبولىم باستىعى جانە باس ينسپەكتور بولىپ جۇمىس ىستەدى.
2010-2011-جىلدارى - ماڭعىستاۋ وبلىسى باسقۇدىق اۋىلدىق وكرۋگىنىڭ اكىمى. 2011-2023-جىلدارى - ماڭعىستاۋ وبلىسى قاراقيا اۋدانى اكىمىنىڭ ورىنباسارى، اۋدان اكىمى.
2023-2024-جىلدارى – ق ر ۇكىمەتى اپپاراتىنىڭ وڭىرلىك ينسپەكتورى.
***
قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا ىشكى ىستەر ءمينيسترىنىڭ بۇيرىعىمەن مەيرام ابىكەيەۆ الماتى وبلىستىق پوليتسيا دەپارتامەنتىنىڭ باستىعى بولىپ تاعايىندالدى.
پوليتسيا پولكوۆنيگى مەيرام ابىكەيەۆ بۇعان دەيىن سولتۇستىك قازاقستان وبلىسى ءى ءى د باستىعىنىڭ ورىنباسارى بولعان.
***
قىزىلوردا قالاسىنىڭ اكىمى قىزمەتىن اتقارعان سەرىك قوجانيازوۆ ەندى «پەترو قازاقستان قۇمكول رەسورسيز» كومپانياسى ۆيتسە پرەزيدەنتى قىزمەتىنە تاعايىندالدى.
سەرىك قوجانيازوۆ 1965-جىلى قىزىلوردا قالاسىندا دۇنيەگە كەلگەن. 1989-جىلى كۋزباسس پوليتەحنيكالىق ينستيتۋتىن (ر ف) «ينجەنەر-مەحانيك» ماماندىعى بويىنشا ءبىتىردى. 2002-جىلى ل. گۋميليەۆ اتىنداعى ەۋرازيا مەملەكەتتىك ۋنيۆەرسيتەتىنىڭ قىزىلوردا فيليالىن ەكونوميست-قارجىگەر ماماندىعى بويىنشا بىتىرگەن.
ەڭبەك جولىن 1989-جىلى قىزىلوردا قالاسىنداعى 2-مەحانيكا-جوندەۋ زاۋىتى ۋچاسكەسىنىڭ ينجەنەر- ەحنولوگى، شەبەرى بولىپ باستاعان. 1992-1999-جىلدارى «سەرىك» شاعىن كاسىپورنىنىڭ، «اركو-ينۆەست» ينۆەستيتسيالىق جەكەشەلەندىرۋ قورىنىڭ ديرەكتورى بولدى. ودان كەيىنگى جىلداردا قىزىلوردا قالاسى اكىمىنىڭ جانىنداعى «قالالىق بيزنەس- ورتالىق» مەملەكەتتىك كاسىپورنىنىڭ جانە قىزىلوردا وبلىسى اكىمىنىڭ جانىنداعى «ينۆەستيتسيالار تارتۋ جانە باعالى قاعازدار نارىعىن دامىتۋ ورتالىعى» مەملەكەتتىك كاسىپورنىنىڭ ديرەكتورى، قىزىلوردا قالاسىنداعى «سەنىم» اشىق جيناقتاۋشى زەينەتاقى قورىنىڭ ديرەكتورى قىزمەتتەرىن اتقاردى.
2001-2007-جىلدارى قىزىلوردا وبلىسى اكىمى اپپاراتىنىڭ نارىقتىق ينفراقۇرىلىمدى قالىپتاستىرۋ ءبولىمىنىڭ مەڭگەرۋشىسى، قىزىلوردا وبلىسىنىڭ كاسىپكەرلىك جانە ونەركاسىپ دەپارتامەنتىنىڭ ديرەكتورى؛
2007-2008-جىلدارى قىزىلوردا قالاسىنىڭ اكىم لاۋازىمىندا بولسا، 2008- 2014-جىلعا دەيىن ق ر پرەمەر-ءمينيسترى كەڭسەسىنىڭ ۇيىمداستىرۋ جۇمىسى جانە وڭىرلىك دامۋ ءبولىمىنىڭ باس ينسپەكتورى، وسى ءبولىم مەڭگەرۋشىسىنىڭ ورىنباسارى، بۇدان ءارى پرەمەر- مينيستر كەڭسەسىنىڭ وڭىرلىك دامۋ ءبولىمىنىڭ مەڭگەرۋشىسى، 2014-2019-جىلعا دەيىن قىزىلوردا وبلىسى اكىمىنىڭ ورىنباسارى، ق ر پرەزيدەنتىنىڭ بايقوڭىر كەشەنىندەگى ارنايى وكىلى، 2019-2022-جىلعا دەيىن ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى، 2022-2024 -جىلعا دەيىن قىزىلوردا وبلىسى اكىمىنىڭ ءبىرىنشى ورىنباسارى قىزمەتىن اتقارعان.
ال 2024 -جىلعى قاڭتار-تامىز ايلارى ارالىعىندا قىزىلوردا وبلىسى اكىمىنىڭ وكىمىمەن قىزىلوردا قالاسىنىڭ اكىمى قىزمەتىن اتقاردى.
***
ەلوردالىق «بارىس» حوككەي كومانداسىنىڭ باس ديرەكتورى قىزمەتىنە نۇرلان ورازبايەۆ تاعايىندالدى. بۇل شەشىمدى «تۋريزم جانە سپورت يندۋسترياسىن قولداۋ قورى» كورپوراتيۆتىك قورى قابىلدادى.
سونىمەن قاتار قازاقستاندىق مامان عالىم مامبەتالييەۆ «بارىس» حوككەي كلۋبىنىڭ باس باپكەرى قىزمەتىنە تاعايىندالدى.
عالىم مامبەتاليەۆ 1965-جىلى دۇنيەگە كەلگەن. سپورتتىق مانسابىندا 1980-2002-جىلدار ارالىعىندا رەسەيلىك جانە قازاقستاندىق كلۋبتاردىڭ نامىسىن قورعادى. 2002-جىلدان بەرى باپكەرلىك قىزمەتپەن اينالىسادى. بۇعان دەيىن ەلوردالىق كلۋبتا 2004-2005، 2017-2018، 2023-جىلداردا باس باپكەر جانە كومەكشىسى قىزمەتتەرىن اتقاردى. سونداي-اق، ەلىمىزدىڭ ۇلتتىق قۇراماسىنا 2018، 2023-جىلداردا جەتەكشىلىك ەتتى.
