ەلىمىزدە اپتا ىشىندە بولعان كادرلىق تاعايىنداۋلار

استانا. KAZINFORM - بۇل اپتا كادرلىق اۋىس-ءتۇيىس تۇرعىسىنان وتكەن اپتاعا قاراعاندا تىنىش بولدى. ەل نازارى تانىمال سپورتشى مەن رەجيسسەردىڭ قىزمەتكە كەلگەنى تۋرالى اقپاراتقا اۋدى.

ۇكىمەت قاۋلىسىمەن سالتانات تومپيەۆا كولىك مينيسترلىگى ازاماتتىق اۆياتسيا كوميتەتىنىڭ ءتوراعاسى بولىپ تاعايىندالدى.

سالتانات ەركىن قىزى 1977-جىلى قاراعاندى قالاسىندا دۇنيەگە كەلگەن. ە. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىن، تۋلۋزا بيزنەس مەكتەبىن، ياتا حالىقارالىق اۋە كولىگى قاۋىمداستىعىندا ءبىلىم العان.

ەڭبەك جولىن 1998-جىلى ق ر كولىك جانە كوممۋنيكاتسيا مينيسترلىگىنىڭ اۆياتسيالىق قاۋىپسىزدىك سەكتورىنىڭ جەتەكشى مامانى بولىپ باستادى.

1998-2003-جىلدارى – ق ر كولىك جانە كوممۋنيكاتسيا مينيسترلىگى/كولىك، كوممۋنيكاتسيا جانە تۋريزم مينيسترلىگى بولىمدەرىنىڭ باس مامانى.

2003-2008-جىلدارى – ق ر ك ك م ازاماتتىق اۆياتسيا كوميتەتى حالىقارالىق قاتىناستار ءبولىمىنىڭ باس مامانى.

2008-2014-جىلدارى ق ر ك ك م ا ا ك باس ساراپشىسى، باستىعى، باسقارما باسشىسى بولىپ جۇمىس ىستەدى.

2014-2019-جىلدارى – ق ر ينۆەستيتسيالار جانە دامۋ مينيسترلىگى ااك باسقارماسىنىڭ باسشىسى، باس مەملەكەتتىك ينسپەكتورى، باسشىسى - باس مەملەكەتتىك اۆياتسيا ينسپەكتورى.

2019-جىلى – ق ر يندۋستريا جانە ينفراقۇرىلىمدىق دامۋ مينيسترلىگى ا ا ك باسقارماسىنىڭ باسشىسى.

2019-2022-جىلدارى – ق ر ي ي د م ا ا ك ءتوراعاسىنىڭ ورىنباسارى.

2022-جىلدان باستاپ قازىرگى ۋاقىتقا دەيىن «قازاقستاننىڭ اۆياتسيالىق اكىمشىلىگى» ا ق باس ديرەكتورىنىڭ ورىنباسارى بولدى.

سونداي-اق، جاڭاوزەن قالاسىنا جاڭا اكىم تاعايىندالدى.

رەسمي مالىمەت بويىنشا، بۇعان دەيىن قالا اكىم بولعان ايبەك قوسۋاقوۆ ءوز ەركىمەن قىزمەتىنەن كەتكەن.

ونىڭ ورنىنا بۇعان دەيىن اكىمنىڭ ورىنباسارى بولعان جانسەيىت قايناربايەۆ كەلدى.

ەڭبەك جولىن 2006-جىلى جەكە سەكتوردا باستاعان. 2012-جىلعا دەيىن وسى سالادا شەبەر، باس مەحانيكتىڭ ورىنباسارى بولعان. ءارتۇرلى ج ش س ديرەكتورى قىزمەتتەرىن اتقارعان.

2012-جىلدان 2014-جىلعا دەيىن «تازالىق» م ك ك ءبولىم باستىعى، جاڭاوزەن قالاسى.

2014-جىلدان 2015-جىلعا دەيىن «كوممۋنالدىق قىزمەت» م ك ك ديرەكتورى.

2015-جىلدان 2016-جىلعا دەيىن ءتۇپقاراعان اۋداندىق تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ باسشىسى بولدى.

2016-جىلدان 2022-جىلعا دەيىن ماڭعىستاۋ وبلىسى ءتۇپقاراعان اۋدانى اكىمىنىڭ ورىنباسارى.

2022-جىلدان باستاپ قازىرگى ۋاقىتقا دەيىن جاڭاوزەن قالاسى اكىمىنىڭ ورىنباسارى قىزمەتىن اتقاردى.

ۇلتتىق ستاتيستيكا بيۋروسىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى بولىپ التىنشاش يسلاموۆا تاعايىندالدى.

التىنشاش سۇلتان قىزى ش. ەسەنوۆ اتىنداعى اقتاۋ ۋنيۆەرسيتەتىن «ونەركاسىپ جانە ازاماتتىق قۇرىلىس» ماماندىعى بويىنشا جانە ماڭعىستاۋ «بولاشاق» ينستيتۋتىن «ەكونوميكا» ماماندىعى بويىنشا بىتىرگەن.

ەڭبەك جولىن 1994-جىلى ماڭعىستاۋ وبلىسىنىڭ ستاتيستيكا باسقارماسىندا ەكونوميست بولىپ باستاعان.

بۇدان ءارى الەۋمەتتىك- دەموگرافيالىق ستاتيستيكا، ەڭبەك جانە قامتۋ ءبولىمىنىڭ اعا مامانى بولىپ جۇمىس ىستەدى.

ول سونداي-اق قىزمەت كورسەتۋ جانە ەكونوميكا ستاتيستيكاسى ءبولىمىنىڭ باس مامانى بولعان.

2003-2004-جىلدارى اقپاراتتىق-ستاتيستيكالىق ورتالىقتىڭ شارۋاشىلىق بولىمىندە جۇمىس ىستەدى.

2005-جىلدان باستاپ ونەركاسىپ ستاتيستيكاسى بولىمىندە ءتۇرلى قىزمەتتەردى اتقاردى.

2011-2018-جىلدارى ينۆەستيتسيا جانە قۇرىلىس ستاتيستيكاسى باسقارماسىنىڭ باستىعى بولىپ جۇمىس ىستەدى.

2018-جىلدان باستاپ بۇگىنگە دەيىن ماڭعىستاۋ وبلىسىنىڭ ستاتيستيكا دەپارتامەنتى باسشىسىنىڭ ورىنباسارى قىزمەتىن اتقاردى.

سولتۇستىك قازاقستان وبلىسى اكىمىنىڭ وكىمىمەن ۆلاديسلاۆ لۋكين مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ باسقارماسىنىڭ باسشىسى بولىپ تاعايىندالدى.

ۆلاديسلاۆ لۋكين 1990-جىلى پەتروپاۆل قالاسىندا دۇنيەگە كەلگەن.

م. قوزىبايەۆ اتىنداعى سولتۇستىك قازاقستان ۋنيۆەرسيتەتىنىڭ تۇلەگى. جوعارى وقۋ ورنىن «قۇرىلىس» ماماندىعى، «تەحنيكا جانە تەحنولوگيا باكالاۆرى» بىلىكتىلىگى بويىنشا اياقتاعان.

ەڭبەك جولىن 2012-جىلى س ق و قۇرىلىس باسقارماسىنىڭ سۋمەن جابدىقتاۋ ءبولىمىنىڭ باس مامانى بولىپ باستادى.

2014-2016-جىلدارى س ق و قۇرىلىس باسقارماسى ءبولىمى باسشىسىنىڭ مىندەتىن اتقاردى، ءبولىم باسشىسى بولدى.

2016-2017-جىلدارى س ق و قۇرىلىس باسقارماسى باسشىسىنىڭ ورىنباسارى بولىپ قىزمەت اتقاردى.

2017-جىلدىڭ قازان ايىنان 2020-جىلدىڭ ناۋرىزىنا دەيىن سقو اكىمدىگىنىڭ قۇرىلىس، ساۋلەت جانە قالا قۇرىلىسى باسقارماسى باسشىسىنىڭ ورىنباسارى لاۋازىمىندا قىزمەت ەتتى.

بۇعان دەيىن پەتروپاۆل قالاسى اكىمىنىڭ قۇرىلىس جانە جەدەل ماسەلەلەر جونىندەگى ورىنباسارى لاۋازىمىندا بولدى.

2020-جىلدان باستاپ 2023-جىلدىڭ تامىزىنا دەيىن مامليۋت اۋدانىنىڭ اكىمى بولدى.

سوڭعى تاعايىنداۋعا دەيىن سقو ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى، باسشىسىنىڭ مىندەتىن اتقاردى.

اقتوبە وبلىستىق قۇرىلىس، ساۋلەت جانە قالا قۇرىلىسى باسقارماسىنىڭ باسشىسى لاۋازىمىنا ەرجان مۇزدىبايەۆ تاعايىندالدى.

ەرجان مۇزدىباي ۇلى 1991-جىلى دۇنيەگە كەلگەن.

2012-جىلى ساقتاعان بايىشيەۆ اتىنداعى اقتوبە ۋنيۆەرسيتەتىن، 2017, 2021-جىلدارى قازاق-ورىس حالىقارالىق ۋنيۆەرسيتەتىن ءتامامداعان.

ەڭبەك جولىن 2012-جىلى اقتوبە وبلىسىنىڭ ەنەرگەتيكا جانە تۇرعىن-ءۇي كوممۋنالدىق شارۋاشىلىعى باسقارماسىنىڭ ينسپەكتورى بولىپ باستاعان.

اتالعان باسقارمادا باس مامان، ءبولىم باسشىسى، باسقارما باسشىسىنىڭ ورىنباسارى بولىپ جۇمىس ىستەدى

2021-جىلدىڭ ءساۋىر ايىنان باستاپ وسى كەزگە دەيىن اقتوبە وبلىسىنىڭ ەنەرگەتيكا جانە تۇرعىن-ءۇي كوممۋنالدىق شارۋاشىلىعى باسقارماسىنىڭ باسشىسى قىزمەتىن اتقارعان.

بوكستان سيدنەي وليمپياداسىنىڭ كۇمىس جۇلدەگەرى مۇحتارحان دىلدابەكوۆ جاڭا قىزمەتكە تاعايىندالدى.

لاۋازىمى - قازاقستان بوكس فەدەراتسياسىنىڭ باپكەرلەر شتابىمەن جۇمىس جونىندەگى ۆيتسە-پرەزيدەنتى.

مۇحتارحان دىلدابەكوۆ - قازاقستاننىڭ ەڭبەك سىڭىرگەن سپورت شەبەرى (1997)، اسا اۋىر سالماقتا وليمپيادا ويىندارىنىڭ (2000) جانە اۋەسقوي بوكستان الەم چەمپيوناتىنىڭ (1999) كۇمىس جۇلدەگەرى، «پاراسات» وردەنىنىڭ يەگەرى (2000).

شاكەن ايمانوۆ اتىنداعى «قازاق فيلم» اكسيونەرلىك قوعامى پرەزيدەنتىنىڭ ەكى كەڭەسشىسى تاعايىندالدى.

سونىڭ ءبىرى - بەلگىلى پروديۋسەر جانە رەجيسسەر قۋانىش بەيسەك.

اۋەلدە كوپشىلىككە «يرينا كايراتوۆنا» توبىنىڭ رەجيسسەرى ءارى پروديۋسەرى رەتىندە تانىلعان قۋانىش بەيسەك ء«داستۇر» اتتى جاڭا تۋىندىسىمەن كينو ماماندارىن مويىنداتتى.

«ول قازاق فيلمنىڭ شىعارماشىلىق دامۋ باعىتىن قاداعالاپ، سول باعىتقا جاۋاپ بەرەتىن بولادى. قۋانىش ستۋديامىزدىڭ دامۋىنا ءوز ۇلەسىن قوسادى دەگەن ۇلكەن سەنىمىم بار»، - دەپ جازدى «قازاق فيلم» ا ق پرەزيدەنتى ازامات ساتىبالدى Instagram پاراقشاسىندا.

سونداي-اق، پروديۋسەر ەركەبۇلان كۇرىشبايەۆ تا قازاق فيلم ۇلتتىق قينوستۋدياسى پرەزيدەنتىنىڭ كەڭەسشىسى بولىپ تاعايىندالدى.