ەلىمىزدە 6 جاڭا كاسىبي مەرەكە پايدا بولادى

استانا. KAZINFORM - پرەمەر- ءمينيستردىڭ ورىنباسارى - ەڭبەك جانە حالىقتى الەۋمەتتىك قورعاۋ ءمينيسترىنىڭ «كاسىبي مەرەكەلەردىڭ تىزبەسىن بەكىتۋ تۋرالى» بۇيرىعىنا وزگەرىستەر ەنگىزىلەدى. قۇجات اشىق ن ق ا پورتالىندا جاريالاندى.

بۇيرىق جوباسىنا سايكەس، كاسىبي مەرەكەلەر تىزبەسىنە قازاقستان كاسىپكەرلەرى كۇنى، قازاقستاننىڭ قولونەرشىلەر كۇنى، تابيعي مونوپوليالار سالاسى جۇمىسكەرلەرىنىڭ كۇنى، سانيتاريالىق-ەپيدەميولوگيالىق قىزمەت جۇمىسكەرىنىڭ كۇنى، كادر قىزمەتى جۇمىسكەرلەرىنىڭ كۇنى، قوعامدىق تاماقتاندىرۋ سالاسىنىڭ جۇمىسكەرى كۇنى اتتى جاڭا كاسىبي مەرەكەلەر ەنگىزىلەدى. سونداي-اق ەنەرگەتيك كۇنىن مەرەكەلەۋ جەلتوقساننىڭ ءۇشىنشى جەكسەنبىسىنەن 22-جەلتوقسانعا وزگەرتىلەدى.

ەسكە سالا كەتەيىك، بىلتىر ق ر ەڭبەك جانە حالىقتى الەۋمەتتىك قورعاۋ مينيسترلىگى ۆەدومستۆو باسشىسىنىڭ 8 جاڭا كاسىبي مەرەكەنى بەكىتۋدى كوزدەيتىن بۇيرىعىنىڭ جوباسى نەگىزىگىندە ەلىمىزدە جاڭا كاسىبي مەرەكەلەر پايدا بولعان ەدى.

اتالعان قۇجاتقا ساي:

- 28-قاڭتار - قارجىلىق مونيتورينگى ورگاندارىنىڭ كۇنى؛

- شىلدەنىڭ ءبىرىنشى جەكسەنبىسى - تەڭىز جانە وزەن كولىگى قىزمەتكەرلەرىنىڭ كۇنى؛

- تامىزدىڭ ءبىرىنشى جەكسەنبىسى - تەمىرجول كولىگى قىزمەتكەرلەرىنىڭ كۇنى؛

- قىركۇيەكتىڭ ەكىنشى جەكسەنبىسى - باقىلاۋ ولشەۋ اسپاپتارى جانە اۆتوماتيكا سالاسى قىزمەتكەرلەرىنىڭ كۇنى؛

- 2-قازان - قازاقستان رەسپۋبليكاسىنىڭ تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ قىزمەتكەرلەرى كۇنى؛

- قازاننىڭ سوڭعى جەكسەنبىسى - اۆتوموبيل كولىگى قىزمەتكەرلەرىنىڭ كۇنى؛

- 10-قاراشا - بۋحگالتەرلىك ەسەپ جانە اۋديت سالاسى قىزمەتكەرلەرىنىڭ كۇنى رەتىندە ۇسىنىلدى.

ايتا كەتەيىك، مەملەكەت باسشىسى قاسىم-جومارت توقايەۆتىڭ جارلىعىمەن 2025-جىل جۇمىسشى ماماندىقتارىنىڭ جىلى دەپ جاريالاندى.