ەلىمىزدە 23-ءساۋىر كۇنى وتەتىن ماڭىزدى ءىس-شارالار اڭداتپاسى

استانا. KAZINFORM - حالىقارالىق اقپارات اگەنتتىگى 23-ءساۋىر كۇنى ەلىمىزدە وتەتىن مادەني جانە قوعامدىق ماڭىزدى ءىس-شارالار اڭداتپاسىن ۇسىنادى.

10.00 دە ۇكىمەت ۇيىندە كەزەكتى ۇكىمەت وتىرىسى وتەدى.

10.00 دە ق ر ۇلتتىق مۋزەيىندە ساحا (ياكۋتيا) رەسپۋبليكاسىنىڭ «ياكۋتيا قازىنالارى» كورمەسى اشىلادى.

11.00 دە ق ر ۇلتتىق اكادەميالىق كىتاپحاناسىندا «100 وتاندىق كوميكس» جوباسىنىڭ العاشقى باسىلىمى - «كەرەي جانە جانىبەك» كوميكسىنىڭ تانىستىرىلىمى وتەدى.

11.30 دا «BCC CentrE» بيزنەس ورتالىعىندا يراك ەلەكەيەۆتىڭ توراعالىعىمەن كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ كەزەكتى وتىرىسى بولادى.

15.50 دە «Tayelsiz Qazaqstannyn Halyq Batyrlary» رەسپۋبليكالىق قوعامدىق بىرلەستىگى «Halyq Batyrlary» رەسپۋبليكالىق قوعامدىق-پاتريوتتىق جۋرنالىنىڭ تۇساۋكەسەرىن وتكىزەدى.

19.00 دە مۋزىكالىق جاس كورەرمەن تەاترىندا «ماحاببات بار ما؟» ليريكالىق كومەدياسى قويىلادى.

19.00 دە Astana Opera تەاترىندا سيمفونيالىق مۋزىكا كونسەرتى وتەدى.

19.00 دە قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «ۇيقىم كەلمەيدى» دراماسى قويىلادى.