ەلىمىزدە 1-تامىزدان باستاپ نە وزگەرەدى
استانا. KAZINFORM --تامىز ايىندا قازاقستاندىقتاردى ءبىرقاتار ماڭىزدى وزگەرىس كۇتىپ تۇر.
ۇلتتىق اۋىل شارۋاشىلىعى ساناعىنىڭ ءبىرىنشى كەزەڭى باستالادى
1- 31-تامىز ارالىعىندا قازاقستاندا ۇلتتىق اۋىل شارۋاشىلىعى ساناعىنىڭ ءبىرىنشى كەزەڭى وتەدى.
وسى كەزەڭدە بارلىق قاتىسۋشى sanaq.gov.kz سايتىندا ونلاين فورماتتا ساۋالنامادان وتە الادى. وندا اۋىل شارۋاشىلىعى وندىرۋشىلەرى مەن شارۋا يەلەرى ەكى ءتۇرلى ساۋالناماعا جاۋاپ بەرەدى.
بەرىلگەن اقپارات قاتاڭ قۇپيا جانە «مەملەكەتتىك ستاتيستيكا تۋرالى» زاڭمەن قورعالعان، سالىق نەمەسە وزگە دە ورگاندارعا بەرىلمەيدى.
ساناق اياسىندا شامامەن 300 مىڭ اۋىل شارۋاشىلىعى ۇيىمى مەن 2 ميلليون ءۇي شارۋاشىلىعى قامتىلادى دەپ وتىر.
ا ق ش قازاقستاننان جەتكىزىلەتىن يمپورتقا 25 پايىز باج سالىعىن ەنگىزەدى
1-تامىزدان باستاپ ا ق ش قازاقستاننان جەتكىزىلەتىن بارلىق يمپورت تاۋارعا 25 پايىز كولەمىندە باج سالىعىن ەنگىزەتىن بولدى. بۇل تۋرالى ا ق ش پرەزيدەنتى دونالد ترامپ شىلدەدە Truth Social جەلىسىندە جاريالانعان حاتىندا مالىمدەدى.
حاتتا ترامپ قازاقستانمەن ساۋدا قاتىناستىڭ ماڭىزدىلىعىن اتاپ ءوتىپ، ىنتىماقتاستىققا دايىن ەكەنىن ايتتى. سونىمەن قاتار، ەگەر قازاقستاندىق كومپانيالار ا ق ش اۋماعىندا ءوندىرىس اشسا، ولارعا باج سالىعى سالىنبايتىنىن جەتكىزدى.
ايتا كەتسەك، قاسىم-جومارت توقايەۆ دونالد ترامپتىڭ قازاقستاننان يمپورتتالاتىن تاۋارلارعا باج سالىعىن سالۋ تۋرالى حاتىنا جاۋاپ جولدادى.
ەلەكتر ەنەرگياسى تاريفى وزگەرەدى
ەنەرگەتيكا ءمينيسترىنىڭ مىندەتىن اتقارۋشى 29-شىلدەدە «ەلەكتر ەنەرگياسىنا شەكتى ءتاريفتى بەكىتۋ تۋرالى» بۇيرىققا قول قويدى. قۇجاتقا سايكەس، ەلەكتر ەنەرگياسىن وندىرەتىن كومپانيالاردىڭ تاريفى كەلەسىدەي وزگەرەدى:
ت. ي. باتۋروۆ اتىنداعى جامبىل گرەس - تاريف 22,58 تەڭگەدەن 23,25 تەڭگەگە دەيىن كوتەرىلەدى (1 ك ۆت/ساع ءۇشىن) .
اقتوبە جەو - 17,54 تەڭگەدەن 18,19 تەڭگەگە دەيىن.
«جايىكتەپلوەنەرگو» ا ق - 13,25 تەڭگەدەن 13,95 تەڭگەگە دەيىن.
«م ا ە ك- قازاتومونەركاسىپ» - 22,16 تەڭگەدەن 23,26 تەڭگەگە دەيىن.
«كريستالل مەنەدجمەنت» ا ق - 15,27 تەڭگەدەن 16,09 تەڭگەگە دەيىن.
«اقتوبە رەلس- ارقالىق زاۋىتى» ج ش س - 21,11 تەڭگەدەن 23,58 تەڭگەگە دەيىن.
«ز-ەنەرگوورتالىق» - 16,77 تەڭگەدەن 18,46 تەڭگەگە دەيىن.
«قىزىلورداجىلۋەلەكتروورتالىعى» - 12,10 تەڭگەدەن 13,13 تەڭگەگە دەيىن.
«باتىس پاۋەر» ج ش س - 15,89 تەڭگەدەن 17,63 تەڭگەگە دەيىن.
«Karabatan Utility Solutions» ج ش س - 10,67 تەڭگەدەن 13,06 تەڭگەگە دەيىن.
«OzenMunaiProm» ج ش س - 26,92 تەڭگەدەن 28,68 تەڭگەگە دەيىن.
ت ن ك «قازحروم» ا ق - 10,67 تەڭگەدەن 11,65 تەڭگەگە دەيىن.
«س س گ پ و» ا ق - 18,82 تەڭگەدەن 18,94 تەڭگەگە دەيىن.
سونداي- اق ەلەكتر ەنەرگياسىن ءوندىرۋشى ۇيىمداردىڭ 63-توبىنا ارنالعان تاريف 1 ك ۆت/ساع ءۇشىن 44,02 تەڭگە بولىپ بەلگىلەندى.
كەزەكتى ۇ ب ت وتەدى
10- 14-تامىز ارالىعىندا نەگىزگى ۇ ب ت- دا شەكتى بال جيناي الماعان تالاپكەرلەر تەستى قايتا تاپسىرىپ، اقىلى نەگىزدە جوو- عا تۇسۋگە مۇمكىندىك الادى. تەستىلەۋ ورنى، كۇنى مەن ۋاقىتىن تاڭداۋ تالاپكەردىڭ ەركىندە.
تامىزداعى ۇلتتىق ءبىرىڭعاي تەستىلەۋگە كەلەسى ساناتتاعى تالاپكەرلەر قاتىسا الادى:
مەكتەپ پەن كوللەدج تۇلەكتەرى (بيىلعى جانە الدىڭعى جىلعى تۇلەكتەر)
شەتەلدە وقىعان تۇلەكتەر
قانداستار
شىعارماشىلىق ماماندىقتان باسقا باعىتقا اۋىسقىسى كەلەتىن ستۋدەنتتەر
باسقا ماماندىقتان پەداگوگيكالىق باعىتقا اۋىسقىسى كەلەتىن ستۋدەنتتەر
ج و و-عا شارتتى تۇردە قابىلدانعان ستۋدەنتتەر.
الماتى - مينسك باعىتىندا اۋە رەيسى اشىلادى
10-تامىزدان باستاپ «الماتى - مينسك - الماتى» باعىتىندا تىكەلەي اۋە رەيسى ىسكە قوسىلادى. ۇشاقتار ءار سارسەنبى مەن جەكسەنبى كۇندەرى قاتىنايدى. اۋە مارشرۋتى ىسكەرلىك جانە تۋريستىك ساپارلار ءۇشىن جاڭا مۇمكىندىك ۇسىنعالى وتىر.
دجەننيفەر لوپەس استانا مەن الماتىدا ونەر كورسەتەدى
1-تامىزدا «استانا ارەنا» ستاديونىندا ايگىلى ءانشى دجەننيفەر لوپەس جەكە كونسەرت بەرەدى. سول كۇنى قالانىڭ كەيبىر كوشەسىندە قوزعالىس ۋاقىتشا شەكتەلەدى.
ەكىنشى كونسەرت 10-تامىزدا الماتىداعى ورتالىق ستاديوندا وتەدى.
الدىن الا دەرەك بويىنشا، ەكى كونسەرتتىڭ ناتيجەسىندە مەملەكەت بيۋدجەتىنە 400 ميلليون تەڭگەگە دەيىن سالىق تۇسەدى.
قازاقتەلەكوم تاريف شارتىن جاڭارتادى
«قازاقتەلەكوم» ا ق موبيلدى بايلانىس تاريف شارتتارىن قايتا قارايتىنىنىن حابارلادى. اتالعان وزگەرىستەر «موبايل تەلەكوم-سەرۆيس» ارقىلى ۇسىنىلاتىن «پراكتيچنىي»، «بازوۆىي»، «كەرەمەت 2» تاريفتەرىنە قاتىستى.
ChatGPT اقىسى قىمباتتايدى
1-تامىزدان باستاپ OpenAI قازاقستاندىق پايدالانۋشىلار ءۇشىن قوسىلعان قۇن سالىعى مولشەرىن جازىلىم قۇنىنا ەنگىزەدى.
سايكەسىنشە، ChatGPT Plus تاريفى $20-دان $22,40-قا دەيىن قىمباتتايدى (12 پايىز ق ق س ەسەبىمەن).
OpenAI ناقتىلاعانداي، قازاقستاندا قوسىلعان قۇن سالىعىن (ق ق س) تولەۋشى رەتىندە تىركەلگەن زاڭدى تۇلعالار مەن جەكە كاسىپكەرلەردىڭ اتالعان سالىقتى تولەمەۋ مۇمكىندىگى بار. ول ءۇشىن 2025 -جىلعى 1-تامىزعا دەيىن اككاۋنتتىڭ سالىق دەرەكتەرى بولىمىندە بيزنەس سايكەستەندىرىلگەن ءنومىرىن كورسەتۋ قاجەت. ايتپەسە، سالىقتى جەكە تۇلعا رەتىندە تولەۋگە مىندەتتەلەدى.
30-تامىز - كونستيتۋتسيا كۇنى
بيىل اتا زاڭعا 30 جىل. مەملەكەتتىك مەرەكە سەنبىگە ءتۇسىپ تۇر، سوندىقتان دەمالىس 1-قىركۇيەك، ياعني دۇيسەنبىگە اۋىستىرىلدى. وسىلايشا، اپتاسىنا 5 كۇن جۇمىس ىستەيتىن ازاماتتار 30، 31-تامىز جانە 1-قىركۇيەك كۇنى ءۇش كۇن قاتارىنان دەمالادى.
