ۇلى بريتانيادا 2023 -جىلى سابيلەرگە ەڭ كوپ قويىلعان ەسىم - «مۇحاممەد»

  بريتاندىق نارەستەلەر ورتالىعى（BabyCentre） 2023 -جىلى ۇلى بريتانيادا جاڭا تۋعان نارەستەلەرگە قويىلاتىن ەڭ تانىمال ەسىمدەر تۋرالى ايتتى. ولار بۇل تۋرالى BBC ءدىڭ قىتايلىق Twitter ىندە جاريالادى، دەپ حابارلايدى Kazinform.

تىزىمگە سايكەس، بيىل دۇنيەگە كەلگەن سابيلەر اراسىندا ەكىنشى جىل قاتارىنان ۇلدار اراسىندا مۇحاممەد （Muhammad) ەڭ كوپ قويىلعان ەسىم بولسا، قىزدار اراسىندا وليۆيا（olivia) ەسىمى ەڭ كوپ قويىلعان ەسىمدەر قاتارىندا.

بيىل ەڭ تانىمال قىزدار ەسىمدەرىنىڭ بەستىگىنە وليۆيا（olivia، امەليا（amelia، يسلا（Isla، ليلي（lily جانە اۆا （Ava）كىرەدى. ال ەڭ تانىمال ۇل ەسىمدەردىڭ بەستىگىنە مۇحاممەد（muhammad، نوا（noah، تەو（theo، لەو（leo） جانە وليۆەر（oliver） كىردى.

نارەستەلەر ورتالىعى（BabyCentre）ساراپشىلارى فيلمدەر، تەلەديدارلار، مۋزىكا جانە كورولدىك وتباسى ەسىمدەردىڭ تانىمال بولۋىنا اسەر ەتەتىنىن اتاپ ءوتتى.

مىسالى، تەيلور سياقتى ەسىمدەردىڭ تانىمالدىعى امەريكاندىق ءانشى تەيلور سۆيفتتىڭ اسەرىنەن ەكى ەسە ءوستى. سونداي- اق ءانشىنىڭ «Willow» اتتى جاڭا ءانى ەسىم رەتىندە قويىلعان نارەستەلەر سانى ارتقان.

ايتا كەتەيىك، سيقىرلى نەمەسە باقسىلىق تاقىرىپتاعى ەسىمدەر كوپشىلىكتىڭ كوڭىلىنەن شىعىپ جاتىر. مىسالى، لۋنا（luna، شالفەي（sage）جانە ليرا（lyra）سياقتى.

سونىمەن قاتار ۋيليام（william، چارلز（charles） جانە گارري（harry） سياقتى ءداستۇرلى كورولدىك ەسىمدەردىڭ تانىمالدىعى تومەندەدى.