ۇلى بريتانيا سىرتقى ىستەر ءمينيسترى دەۆيد كەمەرون قازاقستانعا كەلەدى
استانا. قازاقپارات - 24-25-ساۋىردە ۇلى بريتانيا جانە سولتۇستىك يرلانديا قۇراما كورولدىگىنىڭ سىرتقى ىستەر، دوستاستىق جانە حالىقارالىق دامۋ ءمينيسترى دەۆيد كەمەروننىڭ قازاقستان رەسپۋبليكاسىنا ساپارى وتەدى. بۇل تۋرالى سىرتقى ىستەر مينيسترلىگى حابارلادى.
استانادا د. كەمەرون مەملەكەت باسشىلىعىنىڭ قابىلداۋىندا بولىپ، پرەمەر-ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋمەن كەلىسسوزدەر وتكىزەدى.
ساپار اياسىندا ساياسي، ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىق ماسەلەلەرىن، سونداي-اق وزەكتى وڭىرلىك جانە حالىقارالىق تاقىرىپتاردى تالقىلاۋ جوسپارلانىپ وتىر.
ساپار قورىتىندىسى بويىنشا ءبىرقاتار ەكىجاقتى قۇجاتتارعا قول قويىلادى دەگەن جوسپار بار.
بۇعان دەيىن ۇلى بريتانيانىڭ بۇرىنعى پرەمەر- ءمينيسترى دەۆيد كەمەروننىڭ تاجىكستانعا ساپارى تۋرالى حابارلانعان بولاتىن. ال 22-23-ساۋىردە ۇلى بريتانيا سىرتقى ىستەر ءمينيسترى لورد دەۆيد كەمەرون قىرعىز ارىپتەسىنىڭ شاقىرۋىمەن قىرعىزستانعا رەسمي ساپارمەن باراتىنىن جازعان بولاتىنبىز.
اۆتور
ەلميرا ورالبايەۆا
