لوس-اندجەلەستە تۇنگى تارتىپسىزدىكتەردەن كەيىن جاعداي تۇراقتالا باستادى

استانا. KAZINFORM - لوس-اندجەلەستەگى جاعداي تۇنگى تارتىپسىزدىكتەردەن سوڭ تۇراقتالا باستادى، مالىمدەدى لوس-اندجەلەس وكرۋگى كەڭەسىنىڭ ءتوراعاسى حيلدا سوليس cnn تەلەارناسىنا بەرگەن سۇحباتىندا.

- بۇل حاوس پەن قيراۋدىڭ الدىن الۋ ءۇشىن ادامداردى قالادان كەتۋگە شاقىرۋ نەمەسە ەۆاكۋاتسيالاۋ كەرەك بولعان توتەنشە جاعداي ەدى. قازىر بۇل بۇيرىق توقتاتىلدى، - دەدى سوليس.

ونىڭ سوزىنشە، قالاعا اپاراتىن نەگىزگى ماگيسترالداردىڭ كىرەتىن جانە شىعاتىن جەرلەرى جابىق، ال ادامدار جۇمىس ورىندارىنا ورالا باستادى.

وكرۋگ كەڭەسىنىڭ باسشىسى نارازىلىق بىلدىرۋشىلەردى سابىر ساقتاۋعا شاقىردى.

- بىزگە ءبارىبىر، ءبىز ءبىر- ءبىرىمىزدى دە، قالانى دا ايامايمىز دەگەن ايقايعا ەرۋدىڭ كەرەگى جوق. بىزگە بۇل قاجەت ەمەس. ءبىز بەيبىتشىلىكتى قالايمىز، - دەدى سوليس.

وسىعان دەيىن نارازىلىق بىلدىرۋشىلەردىڭ قاقتىعىسىنان كەيىن ترامپ لوس-اندجەلەسكە ۇلتتىق گۆارديانى جىبەرگەنى تۋرالى جازدىق.