ەلوردالىقتاردىڭ LRT يگىلىگىن كورۋى 1 جىلعا شەگەرىلۋى مۇمكىن
استانا. KAZINFORM - بۇگىن پرەمەر-ءمينيستردىڭ ورىنباسارى رومان سكليار ەلورداداعى LRT قاشان پايدالانۋعا بەرىلەتىنىن ايتتى.
اقوردادا ب ا ق وكىلدەرى ءبىرىنشى ۆيتسە- پرەمەردەن LRT قاشان پايدالانۋعا بەرىلەتىندىگىن سۇراعان ەدى. ساۋالعا جاۋاپ بەرگەن ول قارجىلاندىرۋدىڭ بار ەكەنىن، جاقىندا تەستىلىك رەجيمدە ىسكە قوسۋ جۇرگىزىلەتىندىگىن ايتتى.
- كەلەسى جىلدىڭ سوڭىندا. كەلەسى جىلى استانالىقتار قاتىناي باستايدى، - دەدى رومان سكليار.
ايتا كەتەيىك، «CTS» ج ش س باسقارما ءتوراعاسى اسىلبەك دۇيسەبايەۆ قىركۇيەك ايىندا LRT- نى تەستىلىك رەجيمدە ىسكە قوسۋ، ياعني جولاۋشىسىز پويىزداردى سىناقتان وتكىزۋ جوسپارلانىپ وتىرعانىن ايتتى.
جەڭىل رەلستى كولىك جوباسى وزىق GoA4 ستاندارتىنا سايكەس جۇزەگە اسىرىلىپ جاتىر، بۇل 6 ايلىق سىناق مەرزىمىن تالاپ ەتەدى.
24-مامىردا قىتايدىڭ تانشان قالاسىندا استانا قالاسىنا ارنالعان LRT ۆاگوندارىنىڭ العاشقى ەكى قۇرامى جىبەرىلدى.
تانشان قالاسىنداعى زاۋىتتا جوبا اياسىندا بارلىعى 19 بىرلىك جىلجىمالى قۇرام جاسالادى. زاماناۋي، ءتورت سەكسيالى، جۇرگىزۋشىسىز جۇرەتىن، اۆتوماتتاندىرۋدىڭ ءتورتىنشى دەڭگەيىندەگى ۆاگونداردىڭ ءارقايسىسى 650 جولاۋشىعا ارنالعان.
