ەلورداداعى مۇحيتارالعا 20 جىل

ايتۋلى كۇنگە وراي ءبىرىنشى حالىقارالىق عىلىمي- تاجىريبەلىك كونفەرەنتسيا ءوتتى. مۇحيتارال نەمەسە كوپشىلىك اۋزىنداعى وكەاناريۋم ەلورداداعى ايرىقشا دەمالىس ورىندارىنىڭ بىرىنە اينالدى.

قالا قوناقتارى مەن تۇرعىندارىن 2500 عا جۋىق گيدروبيونتتاردىڭ جاساندى ورتادا قالاي تىرشىلىك ەتەتىنى قىزىقتىرادى.

ارمان ماحانوۆ، Ailand Astana جشس ديرەكتورى:

- ءبىز كوللەكتسيامىزدى جىلدا جاڭارتىپ وتىرامىز. وكەاناريۋمدا گيدروبيونتتاردىڭ 100 دەن اسا ءتۇرى بار. بيىل تاجىريبە رەتىندە سۋ جاندىكتەرىن ۇرىقتاندىرىپ كوردىك. نەگىزى قوناقتارىمىزدى ليمون اكۋلاسى قاتتى قىزىقتىرادى. بۇل وكەاناريۋم تۇرماق، تابيعي ورتادا سيرەك كەزدەسەتىن جىرتقىش. ءبىراق سۇڭگۋىرلەرىمىز ولارمەن ءتىل تابىستى. مىنە وسىنداي تاجىريبەمەن بولىسەتىن ۋاقىت جەتتى.

20 جىلدا «ايلاند» وكەاناريۋمىنىڭ قىزمەتكەرلەرى مەن سۇڭگۋىرلەرى اكۋلا، تاسباقا، پاكۋ پيرانيا، جىرتقىش كارانكس سىندى بالىق تۇرلەرىن بەيىمدەۋدى ۇيرەندى. ولار ورتالىق اشىلعالى وسىندا تىرشىلىك ەتىپ جاتىر. بۇگىن ماماندار دوڭگەلەك ۇستەل باسىندا كەزدەسىپ، مۇحيتارالدى دامىتۋدىڭ حالىقارالىق تاجىريبەسى مەن كەلەشەگىن تالقىلادى. كونفەرەنتسيادا قازاقستاننان بولەك، رەسەي مەن يندونەزيا وكىلدەرى بوي كورسەتتى.

قۋانىش ساپاروۆ، استانا قالاسى ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى:

- بۇل وكەاناريۋم گيننەس رەكورد كىتابىنا ەنگەن، مۇحيتتان ەڭ الىس تۇرعان وكەاناريۋم رەتىندە. بۇل وكەاناريۋم بىزدە مۇحيتتان 3000 ك م جەردە ورنالاسقان. تۋريستەر تۇرعىسىنان دا ءبىزدىڭ استانامىزعا جىل سايىن ميلليون اسا تۋريست كەلەتىن بولسا. جىل سايىن 500 مىڭنان استام قوناقتار كەلەدى ەكەن ءبىزدىڭ وكەاناريۋمعا. ت م د اۋماعىنداعى بىرەگەي وكەاناريۋمنىڭ الەۋەتى زور. تىرشىلىك يەلەرى دە كوبەيىپ جاتىر. ماماندار جىل سوڭىنا دەيىن تەڭىز مەكەندەۋشىلەرىنىڭ جاڭا تۇرلەرى قويىلعان تاعى 2 اكۆاريۋم كورمەسى اشىلاتىنىن جەتكىزدى.

اۆتورلارى: مەرەي مۇراتحان قىزى، سەرىك قوڭىربايەۆ

www.24.kz