22:25, 28 - مامىر 2025 | GMT +5
ەلورداداعى LRT قۇرىلىس نىسانى اۋماعىندا ءورت شىقتى
استانا. KAZINFORM - توتەنشە جاعدايلار مينيسترلىگىنىڭ مالىمەتىنشە، ءتىلسىز جاۋ اۋىزدىقتالدى، زارداپ شەككەندەر جوق.
قابانباي باتىر داڭعىلى بويىندا، LRT قۇرىلىس نىسانىندا، 15 شارشى مەتر اۋماقتا قۇرىلىس قالدىقتارى ورتەندى. ءورت سوندىرۋشىلەردىڭ جەدەل ارەكەتىنىڭ ارقاسىندا ءورت اۋىزدىقتالدى. زارداپ شەككەندەر جوق، - دەلىنگەن حابارلامادا.
قازىر ءورتتىڭ سەبەبى انىقتالىپ جاتىر.
ايتا كەتسەك، بۇعان دەيىن ەلوردادا اۆتوكولىك يەلەرى LRT قۇرىلىسشىلارىنا شاعىمدانعان ەدى.
ەسكە سالايىق، بيىل كۇزدە LRT تەستىلىك رەجيمدە ىسكە قوسىلادى دەپ جوسپارلانعان.
