ەلوردادا ۆيرتۋالدى جول ءجۇرۋ كارتالارى ەنگىزىلەدى
استانا. KAZINFORM - ەلوردادا وقۋشىلار مەن جەڭىلدىگى بار ازاماتتار ءۇشىن ۆيرتۋالدى جول ءجۇرۋ كارتالارى ەنگىزىلەدى. بۇل تۋرالى CTS كومپانياسىنان ءمالىم ەتتى.
«جاقىن كۇندەرى وقۋشىلار مەن جەڭىلدىگى بار ازاماتتار ءۇشىن ۆيرتۋالدى جول ءجۇرۋ كارتالارى ەنگىزىلەدى. ۆاليداتسيانى تەلەفوننىڭ كومەگىمەن QR كودتى سكانەرلەۋ، ۆاليداتورعا تيگىزۋ جانە باسقا دا ىڭعايلى تاسىلدەر ارقىلى جۇزەگە اسىرۋعا بولادى. وسىلايشا كولىك كارتالارىن الىپ ءجۇرۋدىڭ قاجەتى بولمايدى. ۆيرتۋالدى كارتانى شىعارۋ جانە راسىمدەۋ ونلاين جۇزەگە اسىرىلادى، ونى راسىمدەۋ ءۇشىن پايدالانۋشىلارعا ارنايى كاسساعا بارۋدىڭ قاجەتى جوق»، - دەپ اتاپ وتەدى كومپانيادان.
ۆيرتۋالدى كارتالاردى رەسىمدەۋ جانە پايدالانۋ ءتارتىبى، سونداي-اق جوبانى ىسكە قوسۋ مەرزىمى تۋرالى تولىق اقپارات جاقىن ارادا CTS كومپانياسىنىڭ رەسمي سايتىندا جانە الەۋمەتتىك جەلىلەرىندە جاريالانادى.
