ەلوردادا قازاقستان - قىتاي ءداستۇرلى مەديتسينا ورتالىعى اشىلدى
استانا. KAZINFORM - استانادا قىتايدىڭ ءداستۇرلى مەديتسينالىق ادىستەرى ارقىلى ەمدەيتىن ورتالىق ەسىگىن اشتى.
ءداستۇرلى مەديتسينا ورتالىعىنىڭ نەگىزگى ەمدەۋ باعىتتارى:
* اۋتيزم، دتسپ، زپرر، زرر جانە باسقا دا نيەۆرولوگيالىق بۇزىلىستارى بار بالالاردى كەشەندى
جۇرگىزۋ؛
* ينسۋلت پەن جۇيكە جاراقاتتارىنان كەيىنگى وڭالتۋ؛
* ومىرتقا، بۋىن اۋرۋلارىن جانە سوزىلمالى اۋىرسىنۋ سيندرومدارىن ەمدەۋ؛
* ۇيقىنىڭ بۇزىلۋى، مازاسىزدىق جانە سوزىلمالى شارشاۋ جاعدايلارىن تۇزەتۋ؛
* اللەرگيالىق، يممۋندىق جانە تەرى اۋرۋلارىنا كەشەندى قولداۋ كورسەتۋ.
استاناداعى سيان كلينيكاسى 2023 -جىلدان باستاپ پاتسيەنتتەردى قابىلداي باستادى، بۇگىن جاڭا عيماراتقا كوشىپ وتىر. ۇيىمداستىرۋشىلاردىڭ ايتۋىنشا، مەديتسينالىق كومەكتى جوعارى بىلىكتى دارىگەرلەر، سونىڭ ىشىندە قىتايدان كەلگەن ماماندار كورسەتەدى. ەرەكشە نازار حالىقارالىق كوماندانىڭ ۇيلەسىمدى جۇمىسىنا اۋدارىلادى. قىتايلىق دارىگەرلەرمەن قاتار، ق ح ر- دا وقۋدان وتكەن قازاقستاندىق ماماندار دا قىزمەت اتقارادى. ولار ەلىمىزدىڭ دەنساۋلىق ساقتاۋ جۇيەسىمەن تۇرعىنداردىڭ مەنتاليتەتىن جاقسى بىلەتىن جەرگىلىكتى كاسىبي ماماندار.
- جاڭا ورتالىق عيماراتى 1- ماۋسىم حالىقارالىق بالالاردى قورعاۋ كۇنى قارساڭىندا اشىلىپ وتىر، بارلىق قاتىسىپ وتىرعان بالانى مەرەكەمەن قۇتتىقتايمىن. قىتاي مەن قازاقستان - تاۋلار مەن وزەندەر ارقىلى بايلانىسقان، تاتۋ كورشى، دوس ءارى ارىپتەس ەل. پرەزيدەنت قاسىم-جومارت توقايەۆ پەن ءتوراعا شي جينپيڭنىڭ جەتەكشىلىگىمەن قىتاي مەن قازاقستان اراسىنداعى جان- جاقتى ستراتەگيالىق ارىپتەستىك جاڭا سەرپىنگە يە، - دەدى دەنساۋلىق ساقتاۋ ۆيتسە-ءمينيسترى تيمۋر مۇراتوۆ ورتالىقتىڭ اشىلۋ سالتاناتىندا.
ونىڭ ايتۋىنشا، قىتاي مەن قازاقستاننىڭ ءداستۇرلى مەديتسينا ورتالىعى شەنسي ولكەسىنىڭ حالىق ۇكىمەتىنىڭ سىرتقى ىستەر باسقارماسى مەن شەنسي پروۆينتسياسىنىڭ ءداستۇرلى قىتاي مەديتسيناسى باسقارماسىنىڭ باسشىلىعىمەن جۇمىس ىستەيدى.
سيان قالاسىنداعى مي اۋرۋلارىن ەمدەۋگە ارنالعان ءداستۇرلى قىتاي مەديتسيناسى اۋرۋحاناسى مەن قازاقستانداعى «شيان كلينيكاسى» كومپانياسى بىرلەسىپ سالعان. شەنسي مەن قازاقستان اراسىندا اۋىل شارۋاشىلىعى، ەنەرگەتيكا، لوگيستيكا جانە باسقا دا سالا بويىنشا اۋقىمدى ىنتىماقتاستىق ورناعان.
- 2023 -جىلى شەنسي ولكەسىنىڭ سيان قالاسىندا قىتاي - ورتالىق ازيا ءسامميتى ءوتتى. سامميت بارىسىندا مەملەكەت باسشىلارى دوستىق قارىم-قاتىناستى ودان ءارى تەرەڭدەتۋ، ەكونوميكالىق جانە ساۋدا بايلانىسىن كەڭەيتۋ، عىلىم، ءبىلىم جانە گۋمانيتارلىق ىنتىماقتاستىقتى نىعايتۋ ارقىلى قىتاي مەن ورتالىق ازيانىڭ ورتاق تاعدىر قوعامداستىعىن بىرلەسىپ قۇرۋعا ۇلەس قوسۋ جونىندە ماڭىزدى كونسەنسۋسقا قول جەتكىزدى. ءبىر اي بۇرىن شيان قالاسىندا شاڭحاي ىنتىماقتاستىق ۇيىمىنا مۇشە مەملەكەتتەردىڭ دەنساۋلىق ساقتاۋ مينيسترلەرىنىڭ سەگىزىنشى وتىرىسى ءوتتى. مەن قازاقستان دەلەگاتسياسىن باستاپ، سيانداعى وتىرىسقا قاتىستىم. وندا توتەنشە جاعدايلار مەديتسيناسىنىڭ دامۋى، مەديتسينالىق كومەكتى جەتىلدىرۋ، دەنساۋلىق ساقتاۋ سالاسىنداعى تسيفرلىق تەحنولوگيالاردى پايدالانۋ جانە ءداستۇرلى مەديتسينانى ىلگەرىلەتۋ سياقتى نەگىزگى تاقىرىپتار تالقىلاندى. ءبىز قىتاي مەن قازاقستاننىڭ ءداستۇرلى مەديتسينا ورتالىعىنىڭ دامۋى ازاماتتاردىڭ ءومىر ءسۇرۋ ساپاسىن ارتتىرىپ، «سالاۋاتتى جىبەك جولىن» قالىپتاستىرۋعا ىقپال ەتەدى دەپ ۇمىتتەنەمىز، - دەيدى ءمينيستردىڭ ورىنباسارى.
ايتا كەتسەك، ەلىمىزدە ءداستۇرلى مەديتسينا ادىستەرىن رەگلامەنتتەيتىن ستاندارت ازىرلەنەدى.
داۋلەت ىزتىلەۋ
