ەلوردادا قالالىق اۋىل شارۋاشىلىعى جارمەڭكەسى وتەدى

استانا. KAZINFORM - ەلوردادا 10-11-مامىر ارالىعىندا قالالىق اۋىل شارۋاشىلىعى جارمەڭكەسى وتەدى.

استانا اكىمدىگىنىڭ مالىمەتىنشە جارمەڭكەدە قازاقستاننىڭ ءتۇرلى وڭىرلەرىنەن جەرگىلىكتى فەرمەرلەر مەن وندىرۋشىلەردىڭ ونىمدەرى ۇسىنىلادى. قالا تۇرعىندارى مەن قوناقتارى كوكونىستەر مەن جەمىس-جيدەك، ەت، ۇن جانە ءسۇت ونىمدەرىن، كونديتەرلىك ونىمدەردى، تابيعي شىرىن جانە ت. ب. ساتىپ الا الادى.

ءىس-شارا 10-جانە 11-مامىردا ساعات 07:00 دەن 19:00 گە دەيىن ن. تىلەنديەۆ داڭعىلى، 12ا مەكەنجايىنداعى «Koktal» ساۋدا-ويىن-ساۋىق ورتالىعىندا وتەدى.

ايتا كەتەيىك، ەلوردادا بەيبارىس سۇلتان كوشەسى، 23 («ريو-دە-جانەيرو» ت ك قاراما-قارسى) مەكەنجايىندا اۋىل شارۋاشىلىعى جارمەڭكەسى جۇمىس ىستەيدى. ول كۇن سايىن ساعات 9.00 دەن 19.00 گە دەيىن اشىق بولادى.

ىڭعايلى بولۋ ءۇشىن جارمەڭكەنىڭ جانىنان مىنا اۆتوبۋس مارشرۋتتارى وتەدى: 2، 32، 49، 50، 73. بۇل ءىس-شارا وتەتىن جەرگە جىلدام جەتۋ ءۇشىن ماڭىزدى.

سونىمەن قاتار ەرتەڭ استانادا دزيۋدودان حالىقارالىق Grand Slam جارىسى باستالادى.