ەلوردادا مەرەكەلىك قالالىق اۋىل شارۋاشىلىعى جارمەڭكەسى وتەدى

استانا. KAZINFORM - استانا كۇنىنە وراي 5-6- شىلدە كۇندەرى ەلوردادا اۋىل شارۋاشىلىعى جارمەڭكەسى وتەدى، دەپ حابارلايدى قالا اكىمدىگىنىڭ رەسمي سايتى.

جارمەڭكەدە جەرگىلىكتى فەرمەرلەر مەن قازاقستاننىڭ ءتۇرلى وڭىرلەرىنەن كەلگەن وندىرۋشىلەردىڭ ونىمدەرى ۇسىنىلادى. قالا تۇرعىندارى مەن قوناقتارى كوكونىستەر مەن جەمىستەردى، ەت، ۇن جانە ءسۇت ونىمدەرىن، ءتاتتى نان، تابيعي شىرىندار، توساپتار، دجەمدەر جانە تاعى دا باسقا تاۋارلاردى ءتيىمدى باعامەن ساتىپ الا الادى.

ءىس- شارا 5-6- شىلدە كۇندەرى ساعات 10:00 دەن 19:00 گە دەيىن نۇرعيسا تىلەنديەۆ داڭعىلى، 12ا مەكەنجايىنداعى «Koktal» ساۋدا- ويىن- ساۋىق ورتالىعى اۋماعىندا وتەدى.

ايتا كەتەيىك، ەلوردادا بەيبارىس سۇلتان كوشەسى، 23 مەكەنجايى بويىنشا (ريو- دە- جانەيرو تۇرعىن ءۇي كەشەنىنىڭ قارسى بەتىندە) اۋىل شارۋاشىلىعى جارمەڭكەسى تۇراقتى تۇردە جۇمىس ىستەپ تۇر. ول كۇن سايىن ساعات 10:00 دەن 19:00 گە دەيىن جۇمىس ىستەيدى.

جارمەڭكە اۋماعىنا بارىنشا ىڭعايلى جەتۋ ءۇشىن وعان جاقىن جەردەن № 2, 32, 49, 50, 73 باعىتىنداعى اۆتوبۋستار قاتىنايدى.

ايتا كەتەيىك، استانا كۇنىنە وراي قالالىق پەرفومانس فەستيۆالى وتەدى.