ەلوردادا كوپقاباتتى تۇرعىن ۇيدەن ءورت شىقتى

استانا. KAZINFORM - استانادا سالىنىپ جاتقان كوپقاباتتى تۇرعىن ءۇي ورتكە وراندى.

«29- اقپاندا ساعات 14:05 تە قالالىق ءورت ءسوندىرۋ بولىمشەسىنە تولە ءبي كوشەسى، 16 مەكەنجايىندا ءورت تۋرالى حابارلاما كەلىپ ءتۇستى. وقيعا ورنىنا بارعان ءورت سوندىرۋشىلەر 17 قاباتتى سالىنىپ جاتقان تۇرعىن ءۇي كەشەنىنىڭ جابىنىندا 10 شارشى مەتر اۋماقتا رۋبەرويد جانە جىلىتقىشتىڭ (مينەرالدى ماقتا) جانىپ جاتقانىن انىقتادى. ساعات 14:24 مينۋتتا ءورت اۋىزدىقتالدى»، - دەلىنگەن استانا قالاسى توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان اقپاراتتا.

ءتىلسىز جاۋمەن كۇرەسكە 17 مامان جانە 4 تەحنيكا جۇمىلدىرىلدى.